Bələdiyyə İnkişaf Fondu Borjomi, Tkibuli, Dmanisi, Tsalka, Saqareco, Oninin - Tabatskuri, Muxura, İrgançay, Hamamlı, Ləmbəli, Trialeti, Kabur, Qar kəndlərində uşaq bağçalarının tikintisi üçün tenderlər elan edib və təxminən 25 milyon lari vəsait ayırıb. Yerli sakinlər bu kəndlərdə uşaq bağçalarının açılmasını petisiyalarla (kollektiv ərizələr) tələb etmişdilər.
Əsas xəbərlər
Borjominin Tabatskuri kəndində 75 uşaq üçün nəzərdə tutulmuş uşaq bağçasının tikintisinə dövlət büdcəsindən 2 732 000 min lari ayrılıb. Tabatskuri icmasına Molit kəndi də daxildir. Hər ikisində 750 nəfərdən çox etnik ermənilər yaşayır. Tabatskuri dəniz səviyyəsindən təxminən 2000 metr yüksəklikdədir. Ən yaxın uşaq bağçası 42 kilometr uzaqlıqda olan Daba Tsaghveridə yerləşir. İctimai nəqliyyat olsa belə, məktəbəqədər yaşlı uşaqların hər gün 84 kilometr yol qət etməsi çox çətindir. Ona görə də heç kim bağçaya getməyib. Tabatskuri əhalisi “Gürcüstan Xəbərləri”nin dəstəyi ilə ötən ilin dekabrında Borjomi Bələdiyyə Şurasına petisiya ilə müraciət etmişdi.
Tkibuli bələdiyyəsinin Muxura kəndində yeni uşaq bağçası 50 uşaq üçün nəzərdə tutulmuş olacaq. Layihənin tender dəyəri 2 582 000 laridir. Muxura Tkibuli rayonunun yeganə yüksək dağ kəndidir. Ən yaxın uşaq bağçası Tkibuli şəhərindədir. Kəndin müxtəlif yerlərindən Tkibuliyə qədər 10-14 kilometr, hər iki yol 20-28 kilometrdir. Kəskin iqlim şəraiti - qar, buz, çovğun, zəif görmə ilə əlaqədar olaraq Tkibulini Muxura ilə birləşdirən yol noyabrdan aprel ayına kimi 4-5 ay ərzində problemli olur və hərəkət çətinliklərlə əlaqəlidir. Hazırda Muxurada 40-a yaxın məktəbəqədər yaşlı uşaq yaşayır.
Dmanisinin Hamamlı və İrqançay kəndlərində uşaq bağçalarının tikintisi üçün 7 milyon lariyə qədər vəsait nəzərdə tutulub. Hər bağça 125 uşaq üçün nəzərdə tutulmuş olacaq. Tender təkliflərinin qəbulu mayın 11-də başa çatır və tikinti qalib şirkətlə müqavilə imzalandıqdan sonra 16 ay ərzində başa çatdırılmalıdır. Hər iki kənddə uşaq bağçalarının açılmasını sakinlər petisiyalarla tələb ediblər. Dmanisi bələdiyyə şurası petisiyaların heç birini təmin etməyib və bələdiyyənin bu qərarından “Gürcüstan Xəbərləri”nin dəstəyi ilə məhkəməyə şikayət verilib. Mülki fəallar Laşa Çxvimiani və Ruslan Omarovun İrqançay və Hamamlı icmalarında uşaq bağçalarının açılmasını tələb etdikləri şikayətlərinə Bolnisi Rayon Məhkəməsi baxacaq. Mülki fəallar ayrı-seçkiliyin müəyyən edilməsi tələbi ilə Gürcüstanın Xalq Müdafiəçisinə də müraciət ediblər. Məsələ burasındadır ki, Dmanisi bələdiyyəsinin 57 kəndindən yalnız yeddisində uşaq bağçası var. Rayon əhalisinin 65 faizini etnik azərbaycanlılar təşkil edir. Etnik gürcülərin yaşadığı kəndlərdən fərqli olaraq, azlıqların yaşadığı heç bir kənddə uşaq bağçası yoxdur. Artıq Xalq Müdafiəçisi aparatı ayrı-seçkilik faktını araşdırmağa başlayıb.
Kritik qeyri-bərabər vəziyyət Saqareco bələdiyyəsində də mövcuddur. Rayonda 29 uşaq bağçası fəaliyyət göstərir. Bütün bələdiyyə əhalisinin 33%-nin (17 min nəfərə qədər) yaşadığı etnik azərbaycanlıların yaşadığı kəndlər istisna olmaqla, demək olar ki, hər bir gürcü kəndində məktəbəqədər təhsil müəssisəsi var. Azlıqların məskunlaşdığı 9 kənd arasında yeganə istisna 30-a qədər uşaq üçün nəzərdə tutulmuş yeganə uşaq bağçası ilə Düzəyrəmdir. Ləmbəli kəndində uşaq bağçasının açılması tələbi ilə gənclər Saqareco Bələbiyyə Şurasına keçən ilin dekabrında müraciət etmişdilər. Ləmbəlidə 300-ə qədər uşağın məktəbəqədər təhsil almaq imkanı yoxdur. Aprelin 10-da Bələdiyyə İnkişafı Fondu Ləmbəli kəndində 150 uşaq üçün nəzərdə tutulmuş uşaq bağçasının tikintisi üçün tender elan edib. Layihənin təxmini dəyəri 3 800 000 laridir. Tender təklifləri mayın 10-da başa çatır və tikinti müqavilə imzalandıqdan 17 ay sonra başa çatdırılmalıdır.
Tsalkanin iki kəndində - Trialeti və Kaburda uşaq bağçalarının tikintisinə artıq 3 600 000 lari ayrılıb. Hər bağça 75 uşaq üçün nəzərdə tutulmuş olmalıdır. Tsalka meriyası iddia edir ki, ötən ilin noyabrında sakinləri Bələdiyyə Şurasına müraciət edən Axalşeni kəndində də məktəbəqədər təhsil müəssisəsinin tikintisi planlaşdırılır. Tsalka bələdiyyəsinin 43 kəndindən yalnız altısında uşaq bağçası var. Əhalinin təxminən 53%-ni etnik azlıqlar təşkil edir. Onların 39%-i ermənilər, demək olar ki, 7%-i azərbaycanlı və bir o qədər də yunanlardır. Ermənilər və yunanların məskunlaşdığı heç bir kənddə uşaq bağçası yoxdur. Ermənilər məskunlaşan yalnız yeganə kənd, Qızıl-Kilisədə məktəbəqədər təhsil mövcuddur.
“Gürcüstan Xəbərləri” onlayn nəşri və qeyri-hökumət təşkilatı “Mülki Fəaliyyətlər Mərkəzi” dağlıq və etnik azlıqların yaşadığı kəndlərdə məktəbəqədər təhsilə əlçatanlığının təşviqi layihəsini USAID-in Vətəndaş Cəmiyyətinin İştirak Proqramının köməyi ilə həyata keçirib.
“Mülki Fəaliyyət Mərkəzi” uşaq bağçalarının açılması və fəaliyyətinin təmin edilməsi ilə bağlı 11 bələdiyyənin Bələdiyyə Şurasına 16 petisiya təqdim edib. Petisiyanın 7 il əvvəl Yerli Özünüidarəetmə Məcəlləsi ilə müəyyən edilmiş vətəndaşların özünüidarəetmənin həyata keçirilməsində iştirak forması olmasına baxmayaraq, 11 bələdiyyədən 9-da (Axalkalaki, Tsalka, Dmanisi, Saqareco, Borjomi, Saçxere, Çiatura, Tsageri, Aspindza) ilk dəfə olaraq petisiya mexanizmindən istifadə edilib.
Baş nazir İrakli Ğaribaşvili 2022-ci ilin sonunda hökumətin iclasında uşaq bağçalarının tikintisi və reabilitasiyası ilə bağlı yeni hökumət proqramının icrasına başlandığını elan edib.
