Parlament çoxluğunda olan “Xalqın Gücü”nün deputatları bildirilər ki, hökumət rus qanunu ətrafında gedən proseslər fonunda Gürcüstana gələn Aİ-yə üzv ölkələrin xarici işlər nazirləri, eləcə də ABŞ dövlət katibinin köməkçisi ilə görüşməməlidir. Üstəlik, bu gün “Xalqın Gücü” elan edib ki, hakim partiya bu siyasətçilərin Gürcüstana buraxılmağa layiq olub-olmamasını müzakirə etməlidir.
Əsas xəbərlər
“Onlar tərəfindən rəsmi şəkildə bəyan edilir ki, ölkəmizə səfərlərinin məqsədi ölkənin “Qərb kursu”na dəstək verməkdir, amma əslində hamımız çox yaxşı bilirik ki, bu insanlar açıq şəkildə “Milli Hərəkat”ı dəstəkləyir və Gürcüstan hökumətinə hücum edirlər”, - “Xalqın Gücü”ndə bildirirlər.
Litvanın (Qabrelius Landsberqis), Estoniyanın (Marqus Tsanka), İslandiyanın (Qaretordis Qilfadotri) və Latviyanın (Baiba Braze) xarici işlər nazirləri Gürcüstana gəlirlər. Almaniya Bundestaqının Xarici Əlaqələr Komitəsinin sədri Mixael Rot və Litva Seyminin Xarici Əlaqələr Komitəsinin sədri Jiqimantas Pavilyonis artıq Tbilisidədirlər və bu gün onlar müxalifət və qeyri-hökumət təşkilatları nümayəndələri ilə görüşürlər. Mayın 14-də ABŞ dövlət katibinin Avropa və Avrasiya məsələləri üzrə köməkçisi Ceyms O'Brayenin Tbilisiyə səfəri planlaşdırılır.
Anti-Qərb mesajları ilə səciyyələnən “Xalqın Gücü” iddia edir ki, onların məqsədi proseslərin radikallaşmasına yardım etmək, cəmiyyəti qütbləşdirmək və radikal müxalifəti dəstəkləməkdir.
“Gürcüstan parlamentində “xarici şəffaflıq haqqında” qanun layihəsi irəli sürüldükdə dərhal bildirilib ki, qanunun əsas məqsədlərindən biri ölkənin suverenliyini gücləndirmək və möhkəmləndirməkdir. Bu ruh birbaşa xarici siyasətçilərin şəffaflıq qanunu ilə bağlı radikalizmi və ölkənin daxili işlərinə əsassız müdaxiləni artırmağa yönəlmiş bəyanatları ilə ziddiyyət təşkil edir.
Hesab edirik ki, Gürcüstan hökumətinin yüksək vəzifəli şəxsləri ölkəmizə destruksiya üçün gəlmiş siyasətçilərlə görüşdən çəkinməlidirlər. Üstəlik, onların son iki ildə Gürcüstan hökumətinə qarşı səsləndirdikləri bəyanatların əsas məqsədinin ölkəmizi müharibəyə cəlb etmək və Rusiyaya qarşı ikinci cəbhə açmaq olduğunu dəqiq bildiyimiz halda, hökumət bu siyasətçilərin Gürcüstana buraxılmağa layiq olub-olmamasını müzakirə etməlidir”, - “Xalqın Gücü”ndə bildirirlər.
İki il əvvəl “Gürcü arzusu”ndan formal olaraq ayrılan deputatlar tərəfindən yaradılan “Xalqın Gücü” ictimai hərəkatı 2024-cü ilin martında siyasi partiyaya çevrilib. Onun sədrliyinə deputat Sözar Subar seçilib.
2023-cü ilin əvvəlində “Gürcü arzusu” “Xalq Gücü”nün köməyi ilə “xarici agentlər” haqqında qanun layihəsini parlamentə təqdim edib. İctimai etirazlar və beynəlxalq təzyiqlər səbəbindən tezliklə ondan imtina etməli oldular. Bir il sonra “Gürcü Arzusu” rus qanununu yenidən təqdim edib və iki oxunuşda qəbul edib.
