მიმდინარე წლის პირველ ექვს თვეში საქართველოდან რუსეთში 40.8 ათასი ტონა ღვინო გავიდა, რაც 36.1%-ით მეტია 2023 წლის ანალოგიურ მაჩვენებელზე.
ახალი ამბები
მკითხველის რჩეული
- 1 „ცოლად შერთვის მიზნით გაიტაცა და სექსუალურად იძალადა“ - კახეთის პოლიციამ 5 პირი დააკავა
- 2 სამტრედიაში ნიკა მელიას თავს დაესხნენ
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 შოვის სტიქიაზე ახალი კვლევის გამოქვეყნების შემდეგ ლაშა სუხიშვილი გამოკითხვაზე დაიბარეს
- 5 გაეროში რუსეთის წარმომადგენელმა აგვისტოს ომზე „ქართული ოცნების“ განცხადება გაიმეორა
- 6 მწვერვალ შხელდაზე დაღუპული მთამსვლელის, არჩილ ბადრიაშვილის ცხედარი იპოვეს
საქართველოს სტატისტიკის ეროვნული სამსახურის ანგარიშის მიხედვით, რუსეთში ექსპორტირებული ღვინის ღირებულებამ 111.1 მლნ აშშ დოლარი შეადგინა. გასული წლის პირველ ექვს თვეში იგივე მაჩვენებლები 29.9 ათასი ტონა და 81.8 მლნ დოლარი იყო.
საქსტატის მონაცემებით, 2024 წლის იანვარ-ივნისში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 933.9 მლნ. აშშ დოლარით, რაც მთელი ექსპორტის 32.8%-ს შეადგენს. ყურძნის ნატურალური ღვინოები 156.6 მლნ. აშშ დოლარით (მთლიანი ექსპორტის 5.5%) მეორე ადგილზეა.
დღეისთვის საქართველოდან რუსეთში ღვინო ნულოვანი გადასახადით შედის. 2024 წლის მარტში რუსეთის მევენახეთა და მეღვინეთა ასოციაციამ, რომელსაც პროპაგანდისტი ჟურნალისტი დმიტრი კისილიოვი თავმჯდომარეობს, რუსეთის მთავრობას მიმართა წინადადებით ქართული ღვინოების უბაჟოდ შეტანა გაუქმდეს. ივნისში ცნობილი გახდა, რომ აღნიშნულმა ინიციატივამ მხარდაჭერა ვერ მოიპოვა, თუმცა რუსულ მედიაში წერენ, რომ ის ისევ განიხილება და შესაძლოა, აგვისტოში განხორციელდეს.
