რუსეთის მიერ ორშაბათს, კიევზე განხორციელებული სარაკეტო თავდასხმის შედეგად დაღუპულთა რაოდენობა 29-მდე გაიზარდა. უკრაინის გენერალური პროკურატურის მონაცემებით, დაღუპულთა შორის ოთხი ბავშვია - 8 და 14 წლის გონონები, 8 და 10 წლის ბიჭები. სხვადასხვა სიმძიმის ჭრილობები მიიღო 2-დან 17 წლამდე ასაკის ათმა ბავშვმა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
უკრაინის საგანგებო სიტუაციების სამსახურის ცნობით, დედაქალაქში დაშავებულია 117 ადამიანი, საიდანაც 10 ბავშვია.
გუშინ, 8 ივლისს, დილით, რუსეთმა უკრაინაზე მასიური სარაკეტო შეტევა განახორციელა. დაიბომბა კიევში, შევჩენკოვსკის რაიონში მდებარე ქვეყნის უდიდესი ბავშვთა საავადმყოფო, „ოხმატდიტი“, სადაც ყველაზე მძიმე პაციენტებს მკურნალობენ. ცნობილია, რომ ბავშვთა საავადმყოფოში ორი ადამიანი დაიღუპა - ექიმი და ერთ-ერთი პაციენტის ნათესავი, 50-ზე მეტი კი დაშავდა.
ჭურვი მოხვდა კერძო კლინიკა „ადონისსაც“, რასაც, მედიის ინფორმაციით, ხუთი სამედიცინო მუშაკი და ორი პაციენტი ემსხვერპლნენ.
უკრაინის უსაფრთხოების სამსახურის ინფორმაციით, რუსეთმა ბავშვთა საავადმყოფოს Kh-101 სტრატეგიული საკრუიზო რაკეტით დაარტყა. უწყებამ გამოაქვეყნა რაკეტის ფრაგმენტების ფოტოები, რომლებიც სავარაუდოდ თავდასხმის ადგილზე აღმოაჩინეს.
რუსეთის თავდაცვის სამინისტროს მტკიცებით, მათ დარტყმები უკრაინის სამხედრო ინდუსტრიულ ობიექტებსა და შეიარაღებული ძალების საავიაციო ბაზებზე განახორციელეს, ხოლო სამოქალაქო ობიექტებზე მიზანმიმართული სარაკეტო თავდასხმის შესახებ ინფორმაცია „აბსოლუტურად არ შეესაბამება სიმართლეს“. რუსული მხარე მტკიცებულებების გარეშე ირწმუნება, რომ სამოქალაქო ობიექტები შესაძლოა უკრაინის საჰაერო თავდაცვის რაკეტებით დაზიანებულიყო.
უკრაინის პრეზიდენტმა, ვოლოდიმირ ზელენსკიმ კრემლის განცხადებებს „ცინიკური“ უწოდა. მისი ოფისის ინფორმაციით, გუშინდელ სარაკეტო თავდასხმას უკრაინაში სულ მცირე 38 ადამიანი ემსხვერპლა, 190 კი დაშავდა.
