პრემიერ-მინისტრმა ირაკლი კობახიძემ პარლამენტში გამოსვლისას განაცხადა, რომ ფეხბურთი პოლიტიკური კონტექსტისგან დაცლილი უნდა იყოს და ამაზე მაქსიმალურად იზრუნებს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ზოგადად, სასურველია, რომ ეს სფერო - ფეხბურთი დაცლილი იყოს პოლიტიკური კონტექსტისგან, ფეხბურთი არის ყველასი, თითოეული ფეხბურთელი არის ყველასი და ასე უნდა დარჩეს ეს სფერო. ვიღაცები ცდილობენ სხვანაირად წარმართონ პროცესები, მაგრამ ჩვენ ყველაფერს გავაკეთებთ იმისთვის, რომ გავუფრთხილდეთ სპორტის აპოლიტიკურობას. აპოლიტიკური უნდა იყოს სპორტი და ამაზე მაქსიმალურად ვიზრუნებ.
ერთ რამეს ვიტყვი: ჩვენ გვყავდა ძალიან რთული მეტოქეები, მათ შორის საკვალიფიკაციო ეტაპზე, ვიდრე გავიდოდით ევროპის ჩემპიონატზე. ასევე, გვყავდა რთული, ურთულესი მეტოქეები უკვე ევროპის ჩემპიონატზე - სამი ურთულესი მეტოქე. თუმცა, ბიჭები არ შეუშინდნენ, დადგნენ ორ ფეხზე. თქვენ გახსოვთ ეს ცნობილი მეტაფორა. სწორედ იმიტომ, რომ ბიჭები ორ ფეხზე დადგნენ, ჩვენ მივაღწიეთ წარმატებას და გამარჯვებას. სადაც დავდგებით ორ ფეხზე, იქ საქართველო გაიმარჯვებს“, - განაცხადა კობახიძემ.
მმართველი პარტიის წარმომადგენლები ორ ფეხზე ან ცალ ფეხზე დგომას ხშირად ახსენებენ ევროკავშირში ინტეგრაციის კონტექსტში. მეტაფორაში „ცალ ფეხზე დადგომა“, რომელიც ე.წ. „უცხოეთის აგენტების“ შესახებ რუსული კანონის განხილვის დროს გაჩნდა, „ქართული ოცნების“ წევრები ქვეშევრდომობას ან სუვერენიტეტის დაკარგვას გულისხმობენ.
გერმანიაში მიმდინარე ევროპის ჩემპიონატზე საქართველოს ეროვნულმა საფეხბურთო ნაკრებმა ისტორიულ შედეგს მიაღწია: 26 ივნისს, პორტუგალიის დამარცხებით, ჯგუფიდან გავიდა და 30 ივნისს, მერვედფინალში ესპანეთს შეხვდება.
