რუსეთის მიერ ოკუპირებული ცხინვალის რეგიონის ე.წ. პრეზიდენტი ალან გაგლოევი უკრაინაში, ზაპოროჟიის ოლქის ქალაქ მელიტოპოლში ჩავიდა, სადაც ე.წ. სამხედრო ოპერაციის მონაწილე ოს მებრძოლებსა და მოხალისეებს შეხვდა. გაგლოევმა მათ მადლობა გადაუხადა „მამაცობისა და გმირობისთვის, რომელსაც ყოველდღე ავლენენ“.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
სამხრეთ ოსეთის ე.წ. პრეზიდენტის პრესმდივნის, ნატალია ბოსიკოვას ინფორმაციით, გაგლოევმა თანამემამულეებს ტექნიკური საშუალებები და სამხედრო ეკიპირება, ასევე, პირველადი საჭიროების მედიკამენტები და საკვები პროდუქტები გადასცა.
„ფრონტის ხაზთან მდებარე ქალაქ მელიტოპოლში ყოფნის დროს პრეზიდენტი დარწმუნდა, რომ მებრძოლები უზრუნველყოფილნი არიან ყველაფრით, რაც აუცილებელია საბრძოლო დავალებების შესასრულებლად. სახელმწიფოს მეთაური სპეცოპერაციის დაწყების შემდეგ ოსეთიდან წასულ მებრძოლებთან კავშირზე იმყოფება და კარგად იცნობს სიტუაციას, იცის, რა სჭირდებათ მათ პირველ რიგში“, - განაცხადა ბოსიკოვამ.
მელიტოპოლი ერთ-ერთი პირველი ქალაქი იყო, რომელიც რუსეთის შეიარაღებულმა ძალებმა 2022 წლის 24 თებერვალს უკრაინაში შეჭრის შემდეგ დაიკავეს. ის დღემდე ოკუპაციაში რჩება. სექტემბრის ბოლოს, როდესაც რუსეთის პრეზიდენტმა, ვლადიმერ პუტინმა ზაპოროჟიის ფედერაციის შემადგენლობაში შესვლის შესახებ ხელშეკრულებას მოაწერა ხელი, ალან გაგლოევმა თქვა, რომ „რუსეთის შემადგენლობაში დაბრუნება ისტორიული და ადამიანური სამართლიანობის აღდგენაა“.
უკრაინაში რუსეთის მხარეს იბრძვიან ცხინვალის რეგიონში განთავსებული რუსეთის მეოთხე სამხედრო ბაზის სამხედრო მოსამსახურეები და მოხალისეები. ამ პერიოდში, ომში ცხინვალიდან წასული 20-მდე ადამიანი დაიღუპა.
ამ თემაზე:
ევროპარლამენტმა ოკუპირებულ რეგიონებში გაცემული რუსული პასპორტების არაღიარება დაამტკიცა
