იმერეთში სახელმწიფო რწმუნებულად, ცაგერის მუნიციპალიტეტის მერი ლევან ზალკალიანი დაინიშნა. გუბერნატორის თანამდებობა ვაკანტური მას შემდეგ გახდა, რაც რამდენიმე დღის წინ, ზვიად შალამბერიძე „ქართულმა ოცნებამ“ ზესტაფონი-ბაღდათი-თერჯოლა-ტყიბულის დელეგატად წარადგინა.
ახალი ამბები
მკითხველის რჩეული
- 1 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 2 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 3 მთავრობამ იუსტიციის სახლისთვის ფართი „ოცნების“ შემწირველისგან წლიურად 704 880 ლარად იქირავა
- 4 2025 წლიდან გიორგი მამარდაშვილი „ლივერპულის“ მეკარე გახდება
- 5 ლიპარტელიანი, ვოლსკი, კაჭარავა - „ქართულმა ოცნებამ“ თბილისის დელეგატები წარადგინა
- 6 ალიევმა და მისმა ცოლმა პუტინს ვახშამზე უმასპინძლეს
ლევან ზალკალიანი სხვადასხვა დროს მუშაობდა პროკურატურის სისტემაში გამომძიებლად და პროკურორად, მათ შორის, 11 წლის მანძილზე ამბროლაურის რაიონული პროკურორი იყო. შემდეგ იკავებდა რაჭა-ლეჩხუმსა და ქვემო სვანეთში სახელმწიფო რწმუნებულის მოადგილის თანამდებობას.
ზალკალიანი ცაგერის მერობის კანდიდატად „ქართულმა ოცნებამ“ 2023 წლის 19 აპრილის შუალედურ არჩევნებში წარადგინა. არჩევნებში მას კონკურენტი არ ჰყავდა.
2021 წლის 2 ოქტომბრის ადგილობრივი თვითმმართველობის არჩევნების შემდეგ, ცაგერის მუნიციპალიტეტი უკვე მეორედ დარჩა მერის გარეშე. ზალკალიანამდე „ქართული ოცნებიდან“ ცაგერის არჩეული მერი გიორგი ნემსაძე იყო, რომელიც თანამდებობიდან 2022 წლის ნოემბერში გადადგა.
საქართველოში პარლამენტის არჩევნები 2024 წლის 26 ოქტომბერს არის დანიშნული. ერთი თვის წინ, თანამდებობიდან გადადგა ქუთაისის მერი იოსებ ხახალეიშვილი.