„სამართლიანი არჩევნებისა და დემოკრატიის საერთაშორისო საზოგადოების“ [ISFED] დამკვირვებლებმა, 10:00 საათის მდგომარეობით, ამომრჩევლის მოსყიდვის 3 შემთხვევა დააფიქსირეს. პრემიერ-მინისტრმა და „ქართული ოცნების“ საარჩევნო შტაბის ხელმძღვანელმა, ირაკლი კობახიძემ ამ ინფორმაციას ტყუილი უწოდა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 4 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 5 სპეცრაზმი რუსთაველის გამზირზე აქციის მონაწილეებს არბევს
- 6 აქციაზე ტელეკომპანია „პირველის“ ჟურნალისტი მარიამ გაფრინდაშვილი დაშავდა
„მოსყიდვის შემთხვევა გვაქვს ტყიბულის პირველ, ახმეტის მე-17 და ჩუღურეთის მე-3 უბანზე. ერთ შემთხვევაში დავაფიქსირეთ თანხის ოდენობა, რომელიც იყო 100 ლარი“, - განაცხადა ორგანიზაციის ხელმძღვანელმა, ნინო დოლიძემ.
მისი თქმით, ადგილი ჰქონდა ISFED-ის დამკვირვებლებისთვის დაკვირვების უფლების შეზღუდვას. ორგანიზაციას შენიშვნები აქვს ზოგიერთი უბნის მოწყობასთან დაკავშირებითაც.
„დაკვირვების უფლების შეზღუდვასთან დაკავშირებით გეტყვით, რომ მცხეთის 41-ე საარჩევნო უბანზე დაფიქსირდა - არ შეუშვეს პენიტენციურ დაწესებულებაში უბნის გახსნის შემდეგ. ასევე, რუსთავის საარჩევნო ოლქის 58-ე საარჩევნო უბანზე, როდესაც ჩვენი დამკვირვებელი არ შეუშვეს ასევე პენიტენციურ დაწესებულებაში. ზუგდიდის საარჩევნო ოლქის მე-9 საარჩევნო უბანზე დაფისირდა შემთხვევა, როდესაც ჩვენი დამკვირვებელი გამოაძევეს საარჩევნო უბნიდან და ასევე, ზუგდიდის მე-12 საარჩევნო უბანზე დაფიქსირდა იგივე შემთხვევა, როდესაც ჩვენი დამკვირვებელი გამოძაევეს საარჩევნო უბნიდან.
საარჩევნო უბნის მოწყობასთან დაკავშირებით გამოვლინდა ტენდენცია, როდესაც მაგიდები ისეა განლაგებული, რომ დამკვირვებლებს, რიგ შემთხვევაში, არ აქვთ შესაძლებლობა რეგისტრატორების უკან დააკვირდნენ პროცესებს.
ახალი ელექტრონული ტექნოლოგიების დაკვირვების დროს ძალიან მნიშვნელოვანია დამკვირვებლები ვერიფიკაციის აპარატებს სრულყოფილად დააკვირდნენ. შესაბამისად, მნიშვნელოვანია უბნის მოწყობა. მოწყობასთან დაკავშირებით ასეთი პრობლემები ვნახეთ 67-ე საარჩევნო ოლქის 18-ე საარჩევნო უბანზე, ასევე 16-ე საარჩევნო ოლქის 26-ე საარჩევნო უბანზე დაფიქსირდა შემთხვევა, როდესაც ხმის მიცემის ფარული კაბინები ისე ახლოს იყო კედელთან, რომ დაკვირვების შესაძლებლობა არ ჰქონდა უბანზე მყოფ აკრედიტირებულ დამკვირვებელს.
გვაქვს რამდენიმე შემთხვევა, როდესაც ერთზე მეტი, 2 და მეტი ბიულეტენი გასცეს რეგისტრატორებმა. ეს არის ქობულეთის 15-ე, სამგორის 51-ე, ბათუმის მე-10, ყვარლის 3-ე და მთაწმინდის 31-ე საარჩევნო უბნები“, - თქვა ნინო დოლიძემ.
დილის 10 საათის მდგომარეობით, „სამართლიან არჩევნების“ დამკვირვებლებს 10 საჩივარი ჰქონდათ დაწერილი. ნინო დოლიძის თქმით, არასამთავრობო ორგანიზაციის სადამკვირვებლო მისია შედგება 1000-მდე საუბნო, 235 უბნის გარე პერიმეტრის, 45 საზღვარგარეთის უბნის, ასევე, 73 საოლოქო საარჩევნო კომისიის დამკვირვებლისა და 85 მობილური ჯგუფისგან.
