ამერიკის შეერთებული შტატების სახელმწიფო მდივნის თანაშემწის მოადგილემ, ჯოშუა ჰაკმა კონგრესში, საქართველოს თემაზე გამართული მოსმენის დროს განაცხადა, რომ „ქართული ოცნების“ მთავრობა ცდილობს, ორმაგი თამაში ითამაშოს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„ახლა ძალიან მნიშვნელოვანია გავაცნობიეროთ, რომ „ქართული ოცნების“ მთავრობა ცდილობს, ორმაგი თამაში ითამაშოს.
მათ სურთ აკრიტიკონ შეერთებული შტატები, აკრიტიკონ ევროპელი პარტნიორები და იმავე დროს, უთხრან თავიანთ ხალხს, რომ ისინი კვლავ ევროკავშირში გაწევრიანების გზაზე არიან. ეს არაკეთილსინდისიერია. ვფიქრობ, მნიშვნელოვანია ჩვენთვის და საერთაშორისო საზოგადოებისთვის, ქართველ ამომრჩეველს, ქართველ ხალხს ნათლად ვუთხრათ, რომ არსებობს მკაფიო არჩევანი. მათ გადაწყვეტილება თავად უნდა მიიღონ, მაგრამ გზა, რომელზეც მათ „ქართული ოცნება“ მიუძღვებათ, არ მიდის ტრანსატლანტიკური მომავლისკენ, რაც ქართველ ხალხს სურს“, - განაცხადა სახელმწიფო მდივნის თანაშემწის მოადგილემ.
საკუთარ გამოსვლაში მან ასევე აღნიშნა, რომ 2024 წელი გადამწყვეტი წელია საქართველოს მომავლისთვის და აშშ-მა საქართველოს მთავრობასთან ხაზი გაუსვა თავისუფალი და სამართლიანი არჩევნების უზრუნველყოფის მნიშვნელობას.
საქართველოს პრემიერ-მინისტრი ირაკლი კობახიძემ კონგრეში გაკეთებულ განცხადებებს დღეს გამართულ ბრიფინგზე გამოეხმაურა და განაცხადა, რომ „არაერთი უსამართლო შეფასება“ მოისმინა. მისი თქმით, „რეალურად, ეს იყო თავდასხმა საქართველოს სახელმწიფოზე კონკრეტული პოლიტიკოსების მხრიდან“. იმავე ბრიფინგზე პრემიერ-მინისტრმა განაცხადა, რომ დღეს „ქართულ ოცნებას“ ალტერნატივა არ აქვს.
