მოსკოვის ბასმანის სასამართლომ უკრაინის მხარეს მებრძოლი „ქართული ლეგიონის“ მეთაურის მოადგილეს, ლევან ფიფიას აღკვეთის ღონისძიებს სახით ორთვიანი პატიმრობა დაუსწრებლად შეუფარდა.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 4 სომხური მედია საზღვრისპირა სოფელ ჯილიზას საქართველოსთვის გადაცემაზე წერს
- 5 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
- 6 საქართველო შესაძლოა კანდიდატის სტატუსამდე პოზიციებს დაუბრუნდეს - ევროპარლამენტარები
რუსეთის ხელისუფლება ფიფიას ბრალს სდებს სისხლის სამართლის კოდექსის 359-ე მხულის მე-3 ნაწილით, რაც შეიარაღებულ კონფლიქტში ან საომარ მოქმედებებში დაქირავებული ჯარისკაცის მონაწილეობას გულისხმობს. დანაშაული 7-დან 15 წლამდე თავისუფლების აღკვეთით ისჯება.
ლევან ფიფიაზე საერთაშორისო ძებნაა გამოცხადებული. სასამართლოს დადგენილების მიხედვით, წინასწარი პატიმრობის ვადა მისი რუსეთში ექსტრადიციის ან რუსეთის ტერიტორიაზე დაკავების მომენტიდან აითვლება.
ლევან ფიფია ოკუპირებულ აფხაზეთში, ოჩამჩირეშია დაბადებული. ის უკრაინაში რუსეთის წინააღმდეგ 2016 წლიდან იბრძვის.
„ქართული ლეგიონი“ მოხალისეობრივი სამხედრო დანაყოფია, რომელიც 2014 წელს უკრაინაში რუსეთის აგრესიის დაწყებისას შეიქმნა. ის უცხოელი მებრძოლებისგან შემდგარი ყველაზე დიდი ფორმირებაა უკრაინის შეიარაღებულ ძალებში. ჯგუფის დამფუძნებელი და მეთაური მამუკა მამულაშვილია.
2023 წლის ივლისში რუსეთის შინაგან საქმეთა სამინისტრომ მამუკა მამულაშვილი და „ქართული ლეგიონის“ 70-ზე მეტი წევრი დაუსწრებლად მისცა სისხლისსამართლებრივ პასუხისგებაში. 2024 წლის თებერვლის ბოლოს ბასმანის სასამართლომ მამუკა მამულაშვილს წინასწარი პატიმრობა დაუსწრებლად შეუფარდა.
