მოსკოვის ბასმანის რაიონულმა სასამართლომ უკრაინის მხარეს მებრძოლ საქართველოს მოქალაქეს, „ქართული ლეგიონის“ მეთაურს, მამუკა მამულაშვილს აღკვეთის ღონისძიების სახით ორთვიანი პატიმრობა დაუსწრებლად შეუფარდა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
სააგენტო TASS-ის ინფორმაციით, პატიმრობის ვადის ათვლა დაიწყება რუსეთის ფედერაციის ტერიტორიაზე მამულაშვილის ექსტრადიციის ან დაკავების მომენტიდან.
„მამულაშვილზე ფედერალური და საერთაშორისო ძებნაა გამოცხადებული. მას ბრალად ედება დაქირავებული საქმიანობა და სიძულვილის გაღვივება მედიის გამოყენებით“, - ამბობს TASS-ის რესპოდენტი.
რუსეთის საგამოძიებო კომიტეტი მამუკა მამულაშვილს უკრაინის ტერიტორიაზე შეიარაღებული ფორმირების შექმნასა და ხელმძღვანელობას, ასევე, „ქართული ლეგიონის“ და სხვა უკრაინული შეიარაღებული ფორმირებების საქმიანობაში საქართველოს სულ მცირე 24 მოქალაქის ჩართვას ედავება. გარდა ამისა, საგამოძიებო კომიტეტში განაცხადეს, რომ ინტერნეტში იძებნება მამულაშვილის ინტერვიუ, სადაც ის რუსი ჯარისკაცების განადგურების მოწოდებით გამოდის.
გამოძიების ინფორმაციით, იდენტიფიცირებულები არიან „ქართული ლეგიონის“ საქმიანობაში მონაწილე სხვა პირებიც, რომლებიც უკრაინაში რუსეთის შერაღებული ძალების წინააღმდეგ საბრძოლო მოქმედებებში მონაწილეობენ.
რუსეთის შინაგან საქმეთა სამინისტრომ „ქართული ლეგიონის“ მეთაურზე ძებნა 2023 წლის ოქტომბერში გამოაცხადა. მანამდე, მამუკა მამულაშვილი და ლეგიონის 70-ზე მეტი წევრი დაუსწრებლად მისცეს სისხლისსამართლებრივ პასუხისგებაში.
რუსეთს ძებნა საქართველოს სულ მცირე 100 მოქალაქეზე აქვს გამოცხადებული. 2024 წლის თებერვალში დამოუკიდებელმა რუსულმა გამოცემამ, „მედიაზონამ“ გამოაქვეყნა შინაგან საქმეთა სამინისტრო ბაზა, რომლის მიხედვითაც, ძებნილთა შორის არიან საქართველოს პარლამენტის წევრი ალექსანდრე ელისაშვილი, „ანტისაოკუპაციო მოძრაობის“ ლიდერი დავით ქაცარავა, ადვოკატი ბექა ბასილაია და საქართველოს თავდაცვის ყოფილი მინისტრი ირაკლი ოქრუაშვილი. ოთხივე მათგანი სხვადასხვა დროს უკრაინაში იბრძოდა. რუსეთი ეძებს ამჟამადაც უკრაინაში მყოფ ქართველ მებრძოლს ვანო ნადირაძეს და სამხედრო მედდას, ქეთი ლეშკაშელსაც.
ამ თემაზე:
აზოვსტალის მცველს, 22 წლის მამუკა გაწერელიას ოკუპირებულ დონეცკში სამუდამო პატიმრობა მიუსაჯეს
