Moskvanın Basmanni rayon məhkəməsi Ukrayna tərəfində döyüşən Gürcüstan vətəndaşı, “Gürcü Legionu”nun komandiri Mamuka Mamulaşvili barəsində qətimkan tədbiri olaraq iki aylıq qiyabi həbs cəzası seçib.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 Bidzina İvanişvilinin anti-qərb mesajları
- 3 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 4 Böyük Britaniya da “Gürcü Arzusu” rus qanununu tənqid edir
- 5 Prezidentə Lazare Qriqoriadisini əfv etməsi xahişi ilə müraciət olunub
- 6 Məhkəmə Lazare Qriqoriadisi barəsində 9 il müddətinə azadlıqdan məhrum etmə seçib
“TASS” agentliyinin məlumatına görə, həbs müddəti Mamulaşvilinin Rusiya Federasiyası ərazisində ekstradisiya edildiyi və ya həbs edildiyi andan başlayacaq.
“Mamulaşvili barəsində federal və beynəlxalq axtarış elan edilib. O, muzdlu fəaliyyətdə və mediadan istifadə edərək nifrətin qızışdırılmasında ittiham olunur”, - “TASS”ın respondenti bildirib.
Rusiya İstintaq Komitəsi Mamuka Mamulaşvilini Ukrayna ərazisində silahlı birləşmə yaratmaqda və ona rəhbərlik etməkdə, həmçinin azı 24 Gürcüstan vətəndaşını “Gürcü Legionu” və digər Ukrayna silahlı birləşmələrinin fəaliyyətinə cəlb etməkdə ittiham edir. Bundan əlavə, istintaq komitəsi bildirib ki, internetdə Mamulaşvilinin rus əsgərlərini məhv etməyə çağırdığı müsahibəsinə rast gəlinir.
İstintaqın məlumatına görə, Ukraynada Rusiya silahlı qüvvələrinə qarşı döyüş əməliyyatlarında iştirak edən “Gürcü Legionu”nun fəaliyyətində iştirak edən digər şəxslər də müəyyən edilib.
Rusiya Daxili İşlər Nazirliyi “Gürcü Legionu”nun komandirinin axtarışını 2023-cü ilin oktyabrında elan edib. Bundan əvvəl Mamuka Mamulaşvili və Legionun 70-dən çox üzvünə qiyabi ittiham irəli sürülüb.
Rusiya Gürcüstanın ən azı 100 vətəndaşı üçün axtarış elan edib. 2024-cü ilin fevralında Rusiyanın müstəqil “Mediazona” nəşri Daxili İşlər Nazirliyinin məlumat bazasını dərc edib, ona əsasən axtarışda olanlar arasında Gürcüstan parlamentinin deputatı Aleksandre Elisaşvili, “işğal əleyhinə hərəkat”ın lideri Davit Katsarava , vəkil Beka Basilaia və Gürcüstanın keçmiş müdafiə naziri İrakli Okruaşvili də var. Onların dördü də müxtəlif vaxtlarda Ukraynada döyüşüb. Rusiya hazırda Ukraynada olan gürcü döyüşçü Vano Nadiradze və hərbi tibb bacısı Keti Leşkaşelini də axtarır.
Bu mövzu haqqında:
