პარტია „ქართულმა ოცნებამ“ პარლამენტში ამნისტიის შესახებ კანონპროექტი დააინიცირა, რომელიც 2024 წლის 1-ელ ივლისამდე ჩადენილ დანაშაულებს შეეხება. ადამიანის უფლებათა დაცვის კომიტეტის თავმჯდომარემ, რატი იონათამიშვილმა განაცხადა, რომ კანონპროექტი ითვალისწინებს სასჯელის 1/6-ით შემცირების წესს, რითაც ამნისტიის ბენეფიციართა წრე მაქსიმალურად ფართოვდება.
ახალი ამბები
მკითხველის რჩეული
- 1 „ცოლად შერთვის მიზნით გაიტაცა და სექსუალურად იძალადა“ - კახეთის პოლიციამ 5 პირი დააკავა
- 2 სამტრედიაში ნიკა მელიას თავს დაესხნენ
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 შოვის სტიქიაზე ახალი კვლევის გამოქვეყნების შემდეგ ლაშა სუხიშვილი გამოკითხვაზე დაიბარეს
- 5 გაეროში რუსეთის წარმომადგენელმა აგვისტოს ომზე „ქართული ოცნების“ განცხადება გაიმეორა
- 6 მწვერვალ შხელდაზე დაღუპული მთამსვლელის, არჩილ ბადრიაშვილის ცხედარი იპოვეს
პროექტით ასევე დადეგნილია სასჯელის ½-ითა და ¼-ით შემცირება, პასუხისმგებლობისა და სასჯელისაგან სრულად გათავისუფლება.
„ამნისტია განსაკუთრებულ მიდგომას ნერგავს პრობაციონერების მიმართ და პირობითი მსჯავრის ერთი წლით შემცირება შეეხება დაახლოებით 7000 პირს, რაც წარმოადგენს სიახლეს ამნისტიის წინა პროექტებთან შედარებით“, - განაცხადა იონათამიშვილმა.
ამნისტია არ შეეხებათ მკვლელობისთვის ნასამართლევ პირებს, ნარკორეალიზატორებს, სქესობრივ დანაშაულებს, ყაჩაღობას, ტერორიზმს, კორუფციულ და სამოხელეო დანაშაულებს, ე.წ. ქურდულ სამყაროს, კონვენციურ დანაშაულებს, ტრეფიკინგს, სხვა მძიმე და განსაკუთრებით მძიმე კატეგორიის დანაშაულებს.
„ქართული ოცნება“ ამნისტიის კანონს პირველი მოსმენით პარლამენტის რიგგარეშე სესიაზე, ივლისში მიიღებს, სექტემბერში კი საბოლოოდ დაამტკიცებს.
ამნისტიის შესახებ პრემიერ-მინისტრმა ირაკლი კობახიძემ 28 ივნისს, პარლამენტში გამოსვლის დროს განაცხადა. მისი თქმით, დღეს სასჯელაღსრულების დაწესებულებებში 10 ათასამდე პატიმარია, რაც „ოპტიმალური მონაცემები არ არის“. „სასურველი იქნებოდა, დაახლოებით, მინიმუმ 1/3-ით პატიმართა შემცირება და ვფიქრობთ, რომ ამნისტიის კანონი, რომელიც მომზადებულია, ამ მიზნის მიღწევაში სერიოზულ წვლილს შეიტანს“, - განაცხადა მან.
„ქართული ოცნება“ ამნისტიას საპარლამენტო არჩევნების წინ აცხადებს. პარტია „გახარია საქართველოსთვის“ გამოვიდა ინიციატივით, რომ ის რუსული კანონის გაპროტესტების გამო დაკავებულ და დაჯარიმებულ ყველა ადამიანს შეეხოს.
![საქართველოს ამბები](/images/a2.png#joomlaImage://local-images/a2.png?width=80&height=80)