საქართველოს პრემიერ-მინისტრი ირაკლი კობახიძე, მსოფლიო ლიდერებთან ერთად, უკრაინის აღდგენის კონფერენციაში (URC 2024) მიიღებს მონაწილეობას, რომელიც 11-12 ივნისს გერმანიაში გაიმართება. მთავრობის ადმინისტრაციის ინფორმაციით, კობახიძე ბერლინში საგარეო საქმეთა მინისტრ ილია დარჩიაშვილთან და მთავრობის ადმინისტრაციის უფროს ლევან ჟორჟოლიანთან ერთად გაემგზავრა.
ახალი ამბები
მკითხველის რჩეული
- 1 „ცოლად შერთვის მიზნით გაიტაცა და სექსუალურად იძალადა“ - კახეთის პოლიციამ 5 პირი დააკავა
- 2 სამტრედიაში ნიკა მელიას თავს დაესხნენ
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 შოვის სტიქიაზე ახალი კვლევის გამოქვეყნების შემდეგ ლაშა სუხიშვილი გამოკითხვაზე დაიბარეს
- 5 გაეროში რუსეთის წარმომადგენელმა აგვისტოს ომზე „ქართული ოცნების“ განცხადება გაიმეორა
- 6 მწვერვალ შხელდაზე დაღუპული მთამსვლელის, არჩილ ბადრიაშვილის ცხედარი იპოვეს
11 ივნისს, უკრაინის აღდგენის კონფერენციას გერმანიის კანცლერი ოლაფ შოლცი და ევროკომისიის პრეზიდენტი ურსულა ფონ დერ ლაიენიც დაესწრებიან. დღის წესრიგის მიხედვით, დაგეგმილია უკრაინის საგარეო საქმეთა მინისტრის, დმიტრო კულებას გამოსვლა.
კონფერენციას გერმანია და უკრაინა მასპინძლობენ. წლევანდელი ღონისძიების მთავარი მიზანია უკრაინის აღდგენის, რეკონსტრუქციის, რეფორმებისა და მოდერნიზაციისთვის საერთაშორისო მხარდაჭერის მობილიზება. URC2024 ფოკუსირებული იქნება ოთხ თემატურ მიმართულებაზე: კერძო სექტორის მობილიზება აღდგენისა და ეკონომიკური ზრდისთვის; სოციალური აღდგენა და ადამიანური კაპიტალი უკრაინის მომავლისთვის; მუნიციპალიტეტებისა და რეგიონების აღდგენა; ევროკავშირში გაწევრიანება და მასთან დაკავშირებული რეფორმები.
უკრაინის აღდგენის კონფერენცია მესამედ იმართება. 2022 და 2023 წლებში ღონისძიებას შვეიცარია და დიდი ბრიტანეთი მასპინძლობდნენ.
30 მაისს, საქართველოს პრემიერ-მინისტრის განცხადებას იმის შესახებ, რომ უკრაინა „ჩამოქცეულია“ და 2013 წლის მაიდნის შედეგია ის, რომ ქვეყნის ტერიტორიის 20% უკუპირებულია, ათიათასობით ადამიანი კი დაღუპული, უკრაინის ხელისუფლება გამოეხმაურა.საგარეო საქმეთა სამინისტრომ დაგმო ირაკლი კობახიძის „არამეგობრული განცხადებები“ და უკრაინაში განვითარებულ მოვლენებთან დაკავშირებით „დამახინჯებულ შეფასებები“. „სამწუხაროა საქართველოს პრემიერ-მინისტრის პოლიტიკური განცხადებების თანმიმდევრული და პერმანენტული დეგრადაციის დანახვა, რომელთა გარჩევა რუსეთის ხელმძღვანელობის განცხადებებისგან ბოლო პერიოდში რთული გახდა“, - ნათქვამი იყო სამინისტროს განცხადებაში.
![საქართველოს ამბები](/images/a2.png#joomlaImage://local-images/a2.png?width=80&height=80)