საქართველოს არალეგიტიმური პრემიერ-მინისტრის, ირაკლი კობახიძის შეფასებით, წაკითხულის გააზრების პრობლემა აქვს სხვადასხვა სამინისტროსა და განათლების სისტემაში დასაქმებულ ათასობით ადამიანს, რომელიც ბოლო დღეებში ევროინტეგრაციის შეჩერებაზე „ქართული ოცნების“ გადაწყვეტილებას გაემიჯნა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 სოზარ სუბარი პოლიციელების ხელფასების 20%-ით გაზრდას ითხოვს
- 4 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 5 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 6 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
„კიდევ ერთი პრობლემა, რასაც ხაზი უნდა გაესვას, განათლებასთან არის დაკავშირებული. აშკარად გამოიკვეთა ის, რაც იკითხებოდა თავის დროზე PISA-ს ტესტებიდან - საქართველოში არის წაკითხულის გააზრების სერიოზული პრობლემა.
როდესაც რიგითი ადამიანი ვერ იაზრებს წაკითხულს ან მოსმენილს, ეს შეიძლება კიდევ იყოს ნაკლები პრობლემა, მაგრამ, როდესაც წაკითხულის გააზრება უჭირთ, მაგალითად, კონკრეტულ საჯარო მოსამსახურეებს ან პედაგოგებს სკოლებში ან უმაღლეს საგანმანათლებლო დაწესებულებებში, ეს, რა თქმა უნდა, კიდევ უფრო დიდი პრობლემაა.
მინდა, შევთავაზო ყველას, ვისაც გაუჭირდა წაკითხულის ან მოსმენილის გააზრება, ყველასთან ჩვენ მზად ვართ დისკუსიისთვის. ... დღეს პროტესტს გამოხატავს ადამიანების ის ნაწილიც, რომლებიც არიან გულწრფელები. მე არ ვსაუბრობ ძალადობრივ დაჯგუფებებზე. არიან გულწრფელი ადამიანები და სწორედ მათთვისაა ჩვენი შეთავაზება“, - თქვა კობახიძემ.
28 ნოემბერს ირაკლი კობახიძემ განაცხადა, რომ საქართველო 2028 წლის ბოლომდე დღის წესრიგში არ დააყენებს გაწევრიანებაზე მოლაპარაკების გახსნის საკითხს და უარს იტყვის ევროკავშირის საბიუჯეტო გრანტებზე. ამასთან, კობახიძის თქმით, საქართველო განაგრძობს სვლას ევროკავშირისკენ.
გადაწყვეტილებას თბილისსა და რეგიონში საპროტესტო აქციები მოჰყვა. ამ ფონზე თანამდებობები დატოვეს აშშ-ში, ბულგარეთში, ნიდერლანდებსა და ლიეტუვაში საქართველოს ელჩებმა, ასევე, იტალიაში საქართველოს ელჩის მოვალეობის შემსრულებელმა. გადადგა საგარეო საქმეთა მინისტრის მოადგილე თეიმურაზ ჯანჯალიაც.
