საქართველოს კულტურისა და სპორტის მინისტრის თანამდებობა თინათინ რუხაძემ დაიკავა, რომელიც ამ დრომდე თბილისის მუნიციპალიტეტის მერიის ეროვნული სასახლის დირექტორი იყო. რუხაძის პირველი მოადგილე შალვა გოგოლაძე იქნება.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
ახალი მინისტრი და მისი პირველი მოადგილე დღეს გამართულ ბრიფინგზე პრემიერ-მინისტრმა, ირაკლი კობახიძემ წარადგინა. როგორც პრემიერმა თქვა, საპარლამენტო არჩევნების დასრულებისთანავე მთავრობა დააინიცირებს საკანონმდებლო ცვლილებას, რომლის მიხედვითაც კულტურისა და სპორტის სამინისტრო გაიყოფა.
„ჩვენ ძალიან დიდი წარმატებები გვაქვს სპორტის სფეროში. ბოლო წლების განმავლობაში განსაკუთრებული ყურადღება ეთმობა სპორტის განვითარებას და სპორტის სამინისტროს ცალკე შექმნაც იქნება ყურადღების კიდევ ერთი გამოხატულება. სპორტი დარჩება განსაკუთრებულ პრიორიტეტად და სწორედ ამის გამოხატულება იქნება დამოუკიდებელი სპორტის სამინისტროს არსებობა“, - განაცხადა ირაკლი კობახიძემ.
პრემიერ-მინისტრის თქმით, სპორტის სამინისტროს გამოყოფის შემდეგ, შალვა გოგოლაძე სპორტის მინისტრის თანამდებობას დაიკავებს.
კულტურისა და სპორტის მინისტრის თანამდებობა ვაკანტური მას შემდეგ გახდა, რაც „ქართულმა ოცნების“ საარჩევნო სიის წევრად დასახელების შემდეგ თეა წულუკიანი გადადგა. საარჩევნო კოდექსის თანახმად, პარლამენტის წევრობის კანდიდატად რეგისტრაციის შემდეგ, მინისტრები დაკავებული თანამდებობიდან თავისუფლდებიან.
