ახმეტის მუნიციპალიტეტში, მატნის მე-11 საარჩევნო უბანში თავს დაესხნენ არასამთავრობო ორგანიზაცია „სამოქალაქო ადვოკატირების ცენტრის“ დამკვირვებლებს. ჟურნალისტ გელა მთივლიშვილის თქმით, მასსა და ორგანიზაციის იურისტ ვლადიმერ ქუთათელაძეზე თავდასხმა მას შემდეგ მოხდა, რაც უბნის შესასვლელიდან და მიმდებარე ტერიტორიიდან ე.წ. მაყურებლებისა და „ქართული ოცნების“ კოორდინატორთა გასვლა მოითხოვეს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„საარჩევნო უბანში თავს დაგვესხნენ, სავარაუდოდ, უბნის მაყურებლები, როცა შესასვლელიდან და მიმდებარე ტერიტორიიდან მათი და “ქართული ოცნების” კოორდინატორების გასვლა მოვითხოვეთ. დღეს მეც და ლადოც დამკვირვებლების სტატუსით ვმუშაობთ. ტელეფონი წაგვართვეს, რის გამოც პირველი ინციდენტი ვერ გადავიღეთ. ტელეფონის დაბრუნების შემდეგაც გადაღებაში ხელი შეგვიშალეს, დაგვარტყეს, მოგვაფურთხეს და გვაგინეს“, - ამბობს გელა მთივლიშვილი.
„სამოქალაქო ადვოკატირების ცენტრის“ დამკვირვებლებმა დარღვევა დააფიქსირეს ახმეტის 1-ელ საარჩევნო უბანზეც, სადაც ამომრჩევლის სავარაუდო მოსყიდვას ჰქონდა ადგილი. მათი ინფორმაციით, შეესწრნენ ფაქტს, როგორ გადასცა „ქართული ოცნების“ კოორდინატორმა ერთ-ერთ ამომრჩეველს ფული. გელა მთივლიშვილის თქმით, 112-ზე დარეკა, თუმცა რეაგირება არ ყოფილა.
მსგავს თემაზე:
ISFED-ის ცნობით, ტყიბულის, ახმეტის და ჩუღურეთის უბნებზე მოსყიდვის 3 ფაქტი დაფიქსირდა
