მამუკა მდინარაძე, რომელიც აქამდე ფრაქცია „ქართული ოცნების“ თავმჯდომარე იყო, საპარლამენტო უმრავლესობის ლიდერად აირჩიეს. მმართველი პარტიის ოფისში გამართულ უმრავლესობის სხდომაზე კიდევ რამდენიმე საკადრო გადაწყვეტილება მიიღეს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
უმრავლესობა, ვიცე-სპიკერის თანამდებობაზე, რომელიც ირაკლი ჩიქოვანის თავდაცვის მინისტრად გადასვლის შემდეგ ვაკანტურია, პარლამენტს ასარჩევად ნინო წილოსანს წარუდგენს.
„მას შემდეგ, რაც ნინო წილოსანი არჩეული იქნება პარლამენტის ვიცე-სპიკერად, გათავისუფლდება აგრარული კომიტეტის თავმჯდომარის ადგილი და ჩვენ წარვადგენთ მის პირველ მოადგილეს, გელა სამხარაულს, ხოლო აგრარული კომიტეტის პირველი მოადგილის თანამდებობაზე წარდგენილი იქნება ირაკლი (დაჩი) ბერაია“, - განაცხადა მამუკა მდინარაძემ.
„ქართულმა ოცნებამ“ ფრაქციის თავმჯდომარედ რატი იონათამიშვილი აირჩია, ხოლო ფრაქციის თავმჯდომარის პირველ მოადგილედ - გიორგი ცაგარეიშვილი.
29 იანვარს პრემიერ-მინისტრის თანამდებობიდან ირაკლი ღარიბაშვილი გადადგა, რის შემდეგაც მთავრობის მეთაური საპარლამენტო უმრავლესობის ლიდერი, „ქართული ოცნების“ თავმჯდომარე ირაკლი კობახიძე გახდა. მინისტრთა კაბინეტის 12 წევრიდან 11-მა თანამდებობა შეინარჩუნა - პარლამენტის ვიცე-სპიკერმა და ზუგდიდის მაჟორიტარმა დეპუტატმა, ირაკლი ჩიქოვანმა თავდაცვის მინისტრის თანამდებობაზე ჯუანშერ ბურჭულაძე შეცვალა.
„ქართული ოცნების“ პროპორციული საარჩევნო სიის მიხედვით, ირაკლი კობახიძის ნაცვლად პარლამენტში ბიზნესმენი გიორგი ბარვენიშვილი შევა. ის საარჩევნო სიაში 71-ე იყო.
