სვანეთში დაკარგული ორი ახალგაზრდის ძებნა-შველის ოპერაციაში დღეს დილიდან სასაზღვრო პოლიციის ვერტმფრენი მონაწილეობს. ლატალში მცხოვრები გოგიტა ფარჯიანი და გიორგი გვიჩიანი მეექვსე დღეა დაკარგულები არიან. ვერტმფრენისა და დრონების ჩართვის მოთხოვნით წუხელ სოფელის მოსახლეობამ გზა გადაკეტა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„ბოლო წერტილი, საიდანაც ტელეფონის ზარი განხორციელდა, ლენტეხის მხარესაა“, - განაცხადა საპარლამენტო უმრავლესობის დეპუტატმა, ვიქტორ ჯაფარიძემ.
ახალგაზრდები ზემო სვანეთიდან ქვემო სვანეთში, ლენტეხის მიმართულებით კვირას, 21 ივლისს წავიდნენ. ისინი ლასილის უღელტეხილზე საფეხმავლო მარშრუტით გადადიოდნენ. ახლობლების ინფორმაციით, გოგიტა ფარჯიანი და გიორგი გვიჩიანი ბოლოს კავშირზე ორშაბათს, 22 ივლისს გამოვიდნენ - გაგზავნილ შეტყობინებებში ამბობდნენ, რომ გზა აებნათ.
„გაცილებით უფრო აქტიურად უნდა დაიწყოს სამაშველო ღონისძიებები, საგზლად წაღებული აქვთ ერთი პური და თხილი. სავარაუდოდ, ახლა არ არიან კარგ მდგომარეობაში და ყოველი წუთი მნიშვნელოვანია“, - ამბობს ერთ-ერთი დაკარგულის ნათესავი, ანა წერედიანი.
საგანგებო სიტუაციების მართვის სამსახურში განაცხადეს, რომ ორი მოქალაქის დაკარგვის შესახებ 112-ში შეტყობინება 24 ივლისს შევიდა. გუშინ სამაშველო ოპერაციაში ვერტმფრენის ჩართვა „მეტეოროლოგიური პირობების გამო“ ვერ ხერხდებოდა.
ძებნა-შველის ოპერაციაში მაშველების გარდა, მოხალისეთა ჯგუფებიც მონაწილეობენ.
