ლანჩხუთის მუნიციპალიტის სოფელ სუფსაში ტლეკომპანია „მთავარის“ კორესპონდენტს, ლადო მენაბდესა და ოპერატორს, მანუჩარ მჟავანაძეს თავს დაეხნენ. ამის შესახებ ინფორმაცია „მთავარმა არხმა“ გაავრცელა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
ტელეკომპანიის ცნობით, გადამღები ჯგუფი სუფსაში სიუჟეტს ამზადებდა და თავდასხმამდე ცოტა ხნით ადრე, პოლიციის განყოფილებასთან მუშაობდა.
„ცენტრში ვიდექით. ჯერ ერთი ადამიანი მოვიდა ავტომანქანით, მოგვაყენა სიტყვიერი შეურაცხყოფა, დაიწყო გინება „მთავარი არხის“, შემდეგ კი გარკვეული პირების მისამართით. არ მივაქციეთ ყურადღება, რადგან მივხვდით, რასთანაც გვქონდა საქმე. შემდეგ მანქანიდან გადმოვიდა და ჩვენი გინება დაიწყო. ამასაც რომ არ მივაქციეთ ყურადღება, მოვიდა, შემაფურთხა სახეში და დამარტყა. მოვკიდე ხელი და მივაბრუნე მანქანისკენ. ამ დროს ოთხი ადამიანი დაგვეხსა თავს. ეტყობა, ისინი მზად იყვნენ მოვლენების განვითარებისთვის. მოგვაყენეს ფიზიკური შეურაცხყოფა და კამერაც დაამსხვრიეს“, - ამბობს ლადო მენაბდე.
„მთავარი არხის“ კორესპონდენტი ამბობს, რომ თავდამსხმელებმა დაზიანება თავის არეში მიაყენეს, რის გამოც სასწარაფო სამედიცინო დახმარება გამოიძახა.
