საქართველოს მთავრობამ მართლმადიდებელ ეკლესიას გურიაში ჯამში 2982 კვ.მ. არასასოფლო-სამეურნეო მიწის ნაკვეთები სიმბოლურ ფასად, ერთ ლარად გადასცა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 ვინ არის ბათუმის საქალაქო სასამართლოს მოსამართლე ნინო სახელაშვილი
- 3 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 4 ბაკურციხე-თბილისის გზაზე ავტოავარიის შედეგად ოთხი ადამიანი დაიღუპა
- 5 „შერატონის“ მენეჯერის თქმით, ქორიძესა და გახარიაზე თავდასხმის ჩანაწერები შსს-ს ჯერ არ ამოუღია
- 6 „ბო*იშვილი ვიყო, სისხლით დავიჭერ“ - ბათუმის პოლიციის უფროსი ირაკლი დგებუაძე მზია ამაღლობელზე
პრემიერ-მინისტრ ირაკლი კობახიძის მიერ 12 მარტის ხელმოწერილი განკარგულების მიხედვით, მართლმადიდებელ ეკლესიას ოზურგეთის სოფელ ზემო ნატანებში 929 კვ.მ. მიწის ნაკვეთი გადაეცა, ამავე მუნიციპალიტეტის სოფელ ნარუჯაში კი - 849 კვ.მ. გარდა ამისა, საპატრიარქომ ჩოხატაურის სოფელ გუთურში მდებარე 345 და 859 კვ.მ. მიწის ნაკვეთები მიიღო.
მართლმადიდებელი ეკლესია ვალდებულია, ხელშეკრულების გაფორმებიდან ერთ თვეში საპრივატიზაციოდ დადგენილი თანხა, ერთი ლარი გადაიხადოს.
ოზურგეთისა და ჩოხატაურის მუნიციპალიტეტები გურიის ეპარქიის შემადგენლობაშია. ეპარქიას მიტროპოლიტი იოსები (კიკვაძე) უდგას სათავეში.
საქართველოს მართლმადიდებელი ეკლესია 62 კვ.კმ.-ზე მეტ მიწას ფლობს. საპატრიარქო სახელმწიფო ბიუჯეტიდან ყოველწლიურად 25 მილიონი ლარით ფინანსდება.
