იურიდიულ საკითხთა კომიტეტის თავმჯდომარემ, ანრი ოხანაშვილმა კომიტეტის სხდომა, სადაც თითქმის რვა საათია ე.წ. აგენტების შესახებ რუსული კანონის განხილვა მიმდინარეობს, ოპოზიციონერ დეპუტატებს დაატოვებინა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 „ქართულმა ოცნებამ“ პარლამენტის პირველ სხდომაზე ელჩები არ მიიწვია
- 4 ასლან ბჟანიამ ოკუპირებული აფხაზეთის ტერიტორია დატოვა
- 5 შევეცდებით ხარვეზი აღმოვფხვრათ - მდინარაძე პრეზიდენტობის კანდიდატის დასახელებაზე
- 6 დღეს ვინც შევა პარლამენტში, შევა რუსეთში - ზურაბიშვილი
ახლახანს ოხანაშვილმა დარბაზიდან გააძევა პაატა მანჯგალაძე, გიორგი ვაშაძე, ლევან ხაბეიშვილი და ხატია დეკანოიძე. მანამდე, დარბაზი დაატოვებინა თინათინ ბოკუჩავასა და სალომე სამადაშვილს.
„ქართული ოცნების“ მიერ ხელახლა ინიცირებული რუსული კანონის განხილვა ხმაურის ფონზე მიმდინარეობს. ოპოზიციის წევრები აცხადებენ, რომ აღნიშნული კანონის მიღება საქართველოს ევროპულ მომავალს დაასამარებს.
„ეს არ არის კანონი გამჭვირვალობის შესახებ, ეს არის კანონი, რომლითაც ჩვენს ქვეყანაში ბიძინა ივანიშვილს სურს დაასრულოს დემოკრატია, სურს გააუქმოს სამართლიანი და თავისუფალი არჩევნები, სურს, რომ ევროკავშირმა უარი თქვას ჩვენთან ურთიერთობებსა და გაწევრიანების მოლაპარაკებებზე. ეს არის იანუკოვიჩის გზა. ამიტომ ცხადია, რომ სხდომიდან აძევებენ ხალხს, ვინც სიმართლეს ეუბნება.
სხდომაზე ჩვენ აბსოლუტურად დემაგოგიურ, არაფრის მთქმელ სიტყვების რახარუხს ვისმენდით ბიძინა ივანიშვილის მონისგან. უფრო სწორად, ივანიშვილის მონაც არაა, ბიძინას მონის მონაა. ვერ მივიღეთ პასუხი მთავარ შეკითხვაზე. როცა შენი მეგობრები გეუბნებიან, რომ ამ კანონს თუ მიიღებ საქართველოს ევროპული მომავალი დასრულდება, რა ასეთ ღირებულებას წარმოადგენს, რომ ხაზი უნდა გადაუსვა ქართველი ხალხის ევროპულ არჩევანს და მაინც მიიღო. ამ კითხვაზე პასუხი ვერ მოვისმინეთ. პასუხი მარტივია, არანაირი ევროპული მომავალი ბიძინა ივანიშვილს თქვენთვის არ უნდა“, - განაცხადა „ლელოს“ წევრმა, სალომე სამადაშვილმა.
განხილვის პარალელურად აქცია მიმდინარეობს პარლამენტის შენობის გარეთ, სადაც არასამთავრობო ორგანიზაციების წარმომადგენლები და ონლაინ მედიების ის ჟურნალისტებიც არიან, რომლებიც დილით პარლამენტში არ შეუშვეს.
„ქართულმა ოცნებამ“ პარლამენტში დააბრუნა და აპირებს მიმდინარე სესიის დასრულებამდე მიიღოს ე.წ. უცხოეთის აგენტების შესახებ კანონპროექტი, რომელზეც უარი ერთი წლის წინ, საზოგადოების მასშტაბური პროტესტის შედეგად თქვა და პირობა დადო, რომ ის „უპირობოდ, ყოველგვარი დათქმის გარეშე“ გაიწვია. კანონპროექტის ტექსტი იგივე დარჩა - მხოლოდ „უცხოური გავლენის აგენტი“ შეიცვალა ტერმინით „უცხოური ძალის ინტერესების გამტარებელი ორგანიზაცია“. რუსულ კანონი გააკრიტიკეს ამერიკის შეერთებულმა შტატებმა, ევროკავშირმა, დიდმა ბრიტანეთმა, ნატომ, გაერომ და აშშ-ის საერთაშორისო განვითარების სააგენტომ (USAID). ისინი მიიჩნევენ, რომ ასეთი კანონი საქართველოს ევროპული გზიდან გადაიყვანს, უარყოფითად იმოქმედებს დამოუკიდებელი არასამთავრობო და მედია ორგანიზაციების მუშაობაზე.
