გორის მუნიციპალიტეტის სოფელ აძვის მიმდებარე ტერიტორიაზე რუსეთის საოკუპაციო ძალების მიერ უკანონოდ დაკავებული თეიმურაზ ხომასურიძე ცხინვალის იზოლატორიდან გაათავისუფლეს. საქართველოს სახელმწიფო უსაფრთხოების სამსახურის ცნობით, იგი უკვე ცენტრალური ხელისუფლების მიერ კონტროლირებად ტერიტორიაზეა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
სამხრეთ ოსეთის დე ფაქტო რესპუბლიკის სახელმწიფო უშიშროების კომიტეტში განაცხადეს, რომ სოფელ აძვში მცხოვრები 59 წლის ხომასურიძე 13 ივლისს, ე.წ. საზღვრის უკანონო გადაკვეთისთვის დააკავეს:
„დადგინდა, რომ ხომასურიძემ საქართველოსთან რესპუბლიკის სახელმწიფო საზღვარი ცხინვალის რეგიონის აძისარის (აძვისთავის) დასახლების მიმდებარედ განზრახ გადაკვეთა. 15 ივლისს ცხინვალის საქალაქო სასამართლომ იგი ადმინისტრაციულ სამართალდამრღვევად ცნო, შეეფარდა ჯარიმა ადმინისტრაციული წესით გაძევებით. სამშაბათს სამართალდამრღვევი დადგენილი წესით გადაეცა საქართველოს ხელისუფლებას“.
საქართველოს სახელმწიფო უსაფრთხოების სამსახურში აცხადებენ, რომ თეიმურაზ ხომასურიძის გათავისუფლების პროცესში აქტიურად გამოიყენეს როგორც საქართველოში ევროკავშირის მონიტორინგის მისიის (EUMM) „ცხელი ხაზის“ მექანიზმი, ისე სხვა ინსტრუმენტები.
