რუსეთის საოკუპაციო რეჟიმის წარმომადგენლებმა ოკუპირებული ახალგორის მიმდებარედ საქართველოს მოქალაქე უკანონოდ დააკავეს. ამის შესახებ ინფორმაცია საქართველოს სახელმწიფო უსაფრთხოების სამსახურმა (სუს) დღეს, 21 აგვისტოს გაავრცელა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
უწყების განცხადებით, ინციდენტის შესახებ ინფორმაციის მიღებისთანავე გააქტიურდა ევროკავშირის სადამკვირვებლო მისიის მიერ ოპერირებული ცხელი ხაზი, უკანონო დაკავების მორიგი ფაქტის შესახებ დაუყოვნებლივ ეცნობა ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს.
„ამოქმედებულია ყველა არსებული მექანიზმი უკანონოდ დაკავებული საქართველოს მოქალაქის უმოკლეს ვადებში გასათავისუფლებლად“, - აცხადებენ სუს-ში.
ცხინვალის საოკუპაციო რეჟიმს მომხდარის შესახებ ინფორმაცია ჯერ არ გაუვრცელებია. დაკავებულის ვინაობა უცნობია.
საქართველოს მოქალაქეები უკანონოდ დააკავეს ოკუპირებულ აფხაზეთშიც. დაკავებულები არიან გალის რაიონის სოფელ ოტობაიაში (ბგოურა) მცხოვრები 1964 წელს დაბადებული რემიკო და 1967 წელს დაბადებული მურთაზ ჭითანავები, ასევე 1979 წელს დაბადებული არჩილ სექანია. მათ წინააღმდეგ ე.წ. სისხლის სამართლის საქმე „უკანონო მიგრაციის ორგანიზების“ ე.წ. ბრალდებით არის აღძრული. სამივე დაკავებულს „სასამართლომ“ 2-თვიანი „წინასწარი პატიმრობა“ შეუფარდა.
