რუსეთის ფედერაციის პრეზიდენტის თანაშემწე ნიკოლაი პატრუშევმა ამერიკის შეერთებული შტატები დაადანაშაულა 2008 წლის რუსეთ-საქართველოს ომის დაწყებაში. პროპაგანდისტული მედიისთვის მიცემულ ინტერვიუში ის ამბობს, რომ „სწორედ ამერიკელებმა დააორგანიზეს სააკაშვილის სამხედრო ავანტიურა 2008 წლის აგვისტოში“.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ტყუილი და პროვოკაცია ვაშინგტონისა და სხვა დასავლური ქვეყნების პოლიტიკის ჩვეულებრივი თანამგზავრია.
სწორედ ამერიკელებმა დააორგანიზეს სააკაშვილის სამხედრო ავანტიურა 2008 წლის აგვისტოში, თუმცა ისინი აცხადებდნენ, რომ ამასთან არანაირი კავშირი არ ჰქონდათ. აშშ-ის პირდაპირმა ჩარევამ საქართველოს საქმეებში გამოიწვია აფხაზეთისა და სამხრეთ ოსეთის გამოყოფა.
მგონია, რომ ქართველმა ხალხმა იცის, რომ ამერიკელების ქმედებებსთვის ფასს საკუთარი ტანჯვით იხდის“, - განაცხადა პატრუშევმა Izvestia-სთან ინტერვიუში.
13 აგვისტოს „ქართულმა ოცნებამ“ აგვისტოს ომთან დაკავშირებით მორიგი განცხადება გამოაქვეყნა, სადაც ნათქვამია, რომ 2008 წლის აგვისტოში „სააკაშვილის ავანტიურისტული ქმედებები გარედან დაკვეთილი და კარგად დაგეგმილი ღალატის შედეგი იყო“. მომდევნო დღეს ეს სიტყვები გაერთიანებული ერების ორგანიზაციაში რუსეთის მუდმივი წარმომადგენლის პირველმა მოადგილემ, დმიტრი პოლიანსკიმ გაეროში გამართულ ბრიფინგზე მოიშველია.
საქართველოს მმართველი პარტია 26 ოქტომბრის საპარლამენტო არჩევნების შემდეგ აანონსებს საჯარო სამართლებრივი პროცესის გამართვას, სადაც მოსარჩელე მხარე თავად იქნება და „ნაციონალურ მოძრაობას“ „ქვეყნისა და ხალხის წინაშე ჩადენილი მოღალატეობრივი დანაშაულის გამო კოლექტიურად მოუწევს პასუხისგება“.
