პრეზიდენტმა სალომე ზურაბიშვილმა „პრაიდის ფესტივალის“ დაწყებამდე რამდენიმე საათით ადრე განცხადება გაავრცელა და შესაბამის ორგანოებს მოუწოდა, ღონისძიების მონაწილეთა გამოხატვის თავისუფლების დაცვა უზრუნველყონ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
„საქართველოს პრეზიდენტს მიაჩნია, რომ სიტყვისა და გამოხატვის თავისუფლება ადამიანის ფუნდამენტური უფლებაა და ნებისმიერი რამ, რაც ამ პრინციპს ეწინააღმდეგება მიუღებელია! დაუშვებელია ძალადობა და ძალადობრივი ჯგუფების წახალისება. საქართველოს პრეზიდენტი მოუწოდებს შესაბამის ორგანოებს უზრუნველყონ „პრაიდის ფესტივალის“ უსაფრთხოდ ჩატარება და მონაწილეთა სიტყვისა და გამოხატვის თავისუფლება, რომელიც დაცულია კონსტიტუციით“, - ნათქვამია გავრცელებულ განცხადებაში.
პრეზიდენტის დავალებით „პრაიდის ფესტივალს“ ადამიანის უფლებათა საკითხებში მისი მრჩეველიც დაესწრება.
დღეს, 8 ივლისს, „თბილისი პრაიდის“ კვირეულის ფარგლებში, თბილისში, დახურულ ტერიტორიაზე, ფესტივალი გაიმართება, რომელსაც ლგბტქ+ თემი მესამე წელია ატარებს. ჰომოფობიური და მოძალადე ჯგუფები ავრცელებენ ცრუ ინფორმაციას, თითქოს, თბილისის ქუჩებში ე.წ. გეი პარადის ჩატარებაა დაგეგმილი და ამ გზით მოქალაქეების მობილიზებას ცდილობენ, მათ შორის რეგიონებიდანაც. პრორუსული, ძალადობრივი და ჰომოფობიური პარტიის - „კონსერვატიული მოძრაობა/ალტ-ინფოს“ ლიდერი კონსტანტინე მორგოშია იმუქრება, რომ „8 ივლისი 5 ივლისს დადგმულ კუბოზე ბოლო ლურსმნის დაჭედება იქნება“.
შინაგან საქმეთა სამინისტრომ აღნიშნულ ჯგუფებს მოუწოდა, „დაიცვან კანონი, დაემორჩილონ პოლიციის კანონიერ მოთხოვნებს და არ გასცდნენ კანონით დასაშვებ შეკრებისა და მანიფესტაციის უფლებით სარგებლობის ფარგლებს“. სამინისტროს განცხადებით, წინააღმდეგ შემთხვევაში, პოლიცია იმოქმედებს საკუთარი მანდატის შესაბამისად.
როგორც შსს-ში აცხადებენ, დახურული ღონისძიების მშვიდ ვითარებაში ჩატარების მიზნით, პოლიციის დანაყოფები მობილიზებულნი იქნებიან ყველა საჭირო ლოკაციაზე და კომპეტენციის ფარგლებში დაიცავენ მართლწესრიგს და უსაფრთხოებას.
