საქართველოს ეროვნულმა საფეხბურთო ნაკრებმა ევროპის ჩემპიონატზე მეორე ტურის შეხვედრა ჩეხეთის ნაკრებთან ფრედ - 1:1 დაასრულა, საუკეთესო მოთამაშედ გიორგი მამარდაშვილი დასახელდა.
ახალი ამბები
მკითხველის რჩეული
- 1 კობახიძე-მდინარაძის დროს მომხდარ თვითმკვლელობებზე კითხვები რჩება - ღარიბაშვილი
- 2 აფხაზი ბლოგერი დაურ ბუავა თბილისში გარდაცვლილი იპოვეს
- 3 სასკოლო ფორმების გაყიდვა 1-ელი სექტემბრიდან დაიწყება - მისამართები და დეტალები
- 4 მეორედ მიმანიშნეს ჩემი 75 წლის მამის დაჭერაზე - ღარიბაშვილის მორიგი წერილი ციხიდან
- 5 აფხაზი ბლოგერის დაურ ბუავას გარდაცვალების ფაქტზე უცხო ქვეყნის მოქალაქე ქალი დააკავეს
- 6 პატიმრობაში მყოფი ირაკლი ღარიბაშვილი ბიძინა ივანიშვილს შანტაჟში ადანაშაულებს
„რთული თამაში გამოვიდა, ბოლოს მოგებაც შეგვეძლო და ამაზე გული გვწყდება. ამ ორ თამაშში გამოჩნდაჩვენი სულისკვეთება. მინდა, მადლობა ვუთხრა ქართველ გულშემატკივარს, ვინც თამაშზე მოვიდა დადაგვეხმარა, რომ ეს ქართული სული გამოგვემჟღავნებინა. ქომაგებმა საოცარი ატმოსფერო შექმნეს და რომარა ისინი, ასე ვერ ვითამაშებდით.
როდესაც ასეთ ტურნირზე ვთამაშობთ, უფრო მეტი კონცენტრაცია გვმართებს. ყურადღების მოდუნებასმეტოქე არ გვაპატიებს, ასე მოგვივიდა პირველად გოლზე, რომელიც არ ჩაითვალა და მეორე ეპიზოდშიც, როცა ჩეხებმა ანგარიში გაათანაბრეს. თუმცა, ჯერ დაკარგული არაფერია, წინ მესამე მატჩი გველის, ბრძოლა გრძელდება“, - განაცხადა მამარდაშვილმა, რომელმაც დღეს 11 ბურთი მოიგერია და უეფამ მატჩის საუკეთესო ფეხბურთელად დაასახელა.
ჩეხეთის კარში ერთადერთი გოლი გიორგი მიქაუტაძემ გაიტანა, რომელმაც პენალტი დაარტყა. თამაშის ბოლოს საქართველოს მოგების შესაძლებლობა ჰქონდა, თუმცა საბა ლობჟანიძემ ბურთი კარს ააცილა. მანამდე გოლის გატანის შანსი ჰქონდა ანზორ მექვაბიშვილსაც.
ეროვნული ნაკრები მომდევნოს შეხვედრას 26 ივნისს, ქალაქ გელზენკირხენში, ჩემპიონატის ერთ-ერთ ფავორიტთან, პორტუგალიის ეროვნულ ნაკრებთან გამართავს.
