რუსეთის ხელისუფლება რუსებს ისევ აძლევს აფხაზეთში მოგზაურობის რეკომენდაციას

„რუსებს, რომლებსაც სურთ აფხაზეთში გამგზავრება, შეუძლიათ დაიწყონ თავიანთი გეგმების განხორციელება. ამავდროულად, აქტუალური რჩება სტანდარტული წესები დასასვენებლად მიმავალი მოქალაქეებისთვის, ღამით და პოტენციურად საშიშ ადგილებში სიფრთხილის გამოჩენის, ასევე ადგილობრივი ადათ-წესებისა და ტრადიციების პატივისცემის ჩათვლით“, - განაცხადეს რუსეთის საგარეო საქმეთა სამინისტროში.

უწყებაში აღნიშნავენ, რომ რუსეთისა და აფხაზეთის სამართალდამცავი ორგანოები მუდმივ კონტაქტზე იმყოფებიან ტურისტების უსაფრთხოებასთან დაკავშირებულ საკითხებზე.

„მოსკოვში იციან, რომ ახალი ტურისტული სეზონის გახსნისთვის აფხაზეთში ძალიან ელოდებიან რუსეთიდან სტუმრებს.

ტურისტების კომფორტული დასვენებისთვის მოსკოვი და სოხუმი ერთობლივადქმნიან აუცილებელ პირობებს, მათ შორის ხდება სოხუმის აეროპორტის რეკონსტრუქცია (მან უკვეწარმატებით მიიღო პირველი საცდელი ფრენა რუსეთიდან და ამ ზაფხულის დასაწყისში დაგეგმილია ოფიციალური გახსნა), ადლერში ორი ქვეყნის საზღვარზე საბაჟო და სასაზღვრო გამშვები პუნქტის გამტარუნარიანობის გაფართოება, ადგილობრივი სამედიცინო დაწესებულების პოტენციალის ხარისხობრივად გაზრდა და სხვა“, - ვკითხულობთ განცხადებაში.

2024 წლის 15 ნოემბერს, აფხაზეთში არსებულ პოლიტიკურ კრიზისთან დაკავშირებით, რუსეთის საგარეო საქმეთა სამინისტრომ საკუთარ მოქალაქეებს ურჩია, თავი შეეკავებინათ აფხაზეთში გამგზავრებისგან, მათ შორის, ტურისტული მიზნით.

რუსეთის საგარეო საქმეთა სამინისტროში აღნიშნავენ, რომ 2025 წლის 15 თებერვალსა და 1-ელ მარტს აფხაზეთში ე.წ. საპრეზიდენტლო არჩევნების პირველი და მეორე ტური ჩატარდა, რის შედეგადაც „რესპუბლიკის მეთაურად ბადრა გუნბა იქნა არჩეული“. დე ფაქტო პრეზიდენტად მისი ინაუგურაცია 2 აპრილს არის დაგეგმილი.

ბადრა გუნბა რუსეთის ხელისუფლების მიერ მხარდაჭერილი ე.წ. საპრეზიდენტო კანდიდატი იყო. „არჩევნებში“ გამარჯვებულად გამოცხადების შემდეგ, 5 მარტს, ის კრემლში მიიღო რუსეთის პრეზიდენტმა, ვლადიმერ პუტინმა.