ამერიკის შეერთებული შტატების სახელმწიფო დეპარტამენტის კოორდინატორი გლობალურ ანტიკორუფციულ საკითხებში, რიჩარდ ნეფიუ, 15-18 იანვარს, საქართველოსა და სომხეთს ეწვევა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
რიჩარდ ნეფიუ ორივე ქვეყანაში განიხილავს კორუფციის წინააღმდეგ ბრძოლისთვის გაწეულ ძალისხმევასა და გამოწვევებს, ასევე, შემდგომი თანამშრომლობის სფეროების განსაზღვრის საკითხს.
„კოორდინატორი ნეფიუ სომხეთში მთავრობის თანამდებობის პირებს შეხვდება, მათ შორის, მართლმსაჯულების სექტორისა და სამართალდამცავი ორგანოების წარმომადგენლებს, მონაწილეობას მიიღებს სამოქალაქო საზოგადოების მრგვალ მაგიდაში. საქართველოში ის შეხვდება მთავრობის, ანტიკორუფციული ინსტიტუტების, საგამოძიებო ორგანოებისა და სამოქალაქო საზოგადოების წარმომადგენლებს“, - ნათქვამია კოორდინატორის პრესსპიკერის ოფისის განცხადებაში.
ანტოკორუფციული ორგანიზაციის „საერთაშორისო გამჭვირვალობა - საქართველოს“ შეფასებით, საქართველოში მაღალ დონეზე კორუფცია ისევ გამოწვევად რჩება და ამ დრომდე, ვერ მოხდა ისეთი სისტემის ჩამოყალიბება, რომელიც ელიტურ კორუფციას ეფექტურად გაუმკლავდებოდა.
2023 წელს, პირველად 20 წლის განმავლობაში, საქართველოს მთავრობამ უარი თქვა ეკონომიკური თანამშრომლობისა და განვითარების ორგანიზაციის ანტიკორუფციული ქსელის (OECD/ACN) მონიტორინგში მონაწილეობაზე. მონიტორინგის მიზანი ქვეყნის ანტიკორუფციული გარემოს ძირეული შეფასება, გამოწვევების გამოვლენა და შესაბამისი რეკომენდაციების გაცემაა.
ელიტური კორუფციის პრობლემის შესახებ განცხადება ცოტა ხნის წინ საქართველოს ყოფილმა პრემიერ-მინისტრმა, პარტია „საქართველოსთვის“ დამფუძნებელმა, გიორგი გახარიამაც გააკეთა. მისი თქმით, გაზრდილი ეკონომიკა 20-25 ოჯახის ჯიბეში მიდის.
