სტუდენტური მოძრაობა „თავისუფლებისთვის“ დამფუძნებელს, აქტივისტ ნიკო მანაგაძეს თბილისის სახელმწიფო უნივერსიტეტის პირველ კორპუსთან თავს დაესხნენ. ნიკო მანაგაძე ერთ-ერთია იმ სტუდენტებს შორის, რომლებიც ყოველ შაბათს, უნივერსიტეტთან ხვდებიან პრემიერ-მინისტრ ირაკლი კობახიძეს და რუსულ კანონს აპროტესტებენ.
ახალი ამბები
მკითხველის რჩეული
- 1 „ქართული ოცნების“ დეპუტატი აღიარებს, რომ სიძულვილისა და ძალადობის კამპანიის ორგანიზატორია
- 2 მოსამართლემ გორში დაკავებული აქტივისტის საქმეზე ყველა საგამოძიებო მოქმედება უკანონოდ ცნო
- 3 ჯაშუშობის მუხლით უნდა გასამართლდეს ყველა, ვინც კანონის მიღებას აპროტესტებს - მაჭარაშვილი
- 4 რუსეთმა უკრაინაში მებრძოლ რუსუდან ივანეიშვილს პატიმრობა დაუსწრებლად მიუსაჯა
- 5 გვჭირდება კონკრეტული ნაბიჯები, რომლებიც შეაჩერებს საქართველოს ხელისუფლებას - ვანო ჩხიკვაძე
- 6 მასობრივად წაშალეს „მთის ამბების“ კრიტიკული მასალები ფეისბუკიდან
თვითმხილველების თქმით, მანაგაძეს ფიზიკურად სამი-ოთხი ადამიანი გაუსწორდა. მას დაზიანება თავის არეში აქვს მიყენებული.
„თსუ-ს პირველი კორპუსის ეზოდან გამოვედი და გზაზე გადმოვდიოდი, ავტობუსის გაჩერებისკენ და უკნიდან ვიგრძენი რომ ჩამარტყეს. მეც შევუბრუნე ხელი. ჩანთა დაუვარდა, ავიღე და თავდაცვას ვცდილობდი. მერე მეორე მოვიდა, მესამე, უკვე ალყაში ვიყავი. არ მახსოვს რამდენნი იყვნენ. მინიმუმ სამი იყო რაც დავინახე“, - ამბობს მანაგაძე.
სოციალურ ქსელში სავარაუდო თავდამსხმელების ვიდეოც გავრცელდა.
ნიკო მანაგაძე აქტიურად მონაწილეობს ე.წ. „უცხოეთის აგენტების“ შესახებ რუსული კანონის საწინააღმდეგო დემონსტრაციებში და ყოველ შაბათს, დილით, სხვა სტუდენტებთან ერთად, თსუ-ს მეორე კორპუსთან ხვდება ლექციის ჩასატარებლად მისულ პრემიერ-მინისტრს. გასულ შაბათს აქციის მონაწილეებს ირაკლი კობახიძის თანმხლები პირები ფიზიკურად გაუსწორდნენ.
ნიკო მანაგაძეს აქცია „დახვდი კობახიძეს“ ხვალ, 8 ივნისს, დილის 9 საათზეც აქვს დაანონსებული.