15 ივლისიდან ტაილანდში ტურისტული მიზნით ჩასულ საქართველოს მოქალაქეებს აეროპორტში სავიზო განაცხადის შევსება აღარ მოუწევთ - ისინი ქვეყანაში შესვლას და 60 დღემდე დარჩენას უვიზოდ შეძლებენ.
ახალი ამბები
მკითხველის რჩეული
- 1 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 2 კობახიძე შუქრუთელების პროტესტზე - ასეთი აქციები ხშირად ემთხვევა წინასაარჩევნო პერიოდს
- 3 სად გაიხსნება დამატებითი საარჩევნო უბნები საზღვარგარეთ
- 4 სასამართლომ „ოცნების“ კლიპის არგაშვების გამო „მთავარი“, „პირველი“ და „ფორმულა“ დააჯარიმა
- 5 რაც მოვისმინეთ, გაგვაოგნა - პრესის თავისუფლების მისია საქართველოში მედიის მდგომარეობაზე
- 6 საზღვარგართ მყოფი დევნილების ნაწილი არჩევნებში ხმის მიცემას ვერ შეძლებს
ტაილანდმა 60-დღიანი უვიზო მიმოსვლა 93 ქვეყნისთვის შემოიღო, მათ შორის არიან საქართველო, თურქეთი, ჩეხეთი, უნგრეთი, ფინეთი, ესპანეთი.
ტაილანდში უვიზოდ შესვლისთვის, როგორც წესი, ერთადერთი საჭირო საბუთია პასპორტი, რომელსაც ტაილანდში ჩასვლის დღიდან მოქმედების არანაკლებ 6 თვიანი ვადა უნდა ჰქონდეს დარჩენილი. თუმცა, მესაზღვრეს შეუძლია მოითხოვოს დამატებითი დოკუმენტაციაც:
- 60 დღის განმავლობაში უკან დასაბრუნებელი ბილეთი;
- საკმარისი ფინანსები (20 000 ტაილანდური ბატი (დაახლოებით 1500 ლარი) ერთ ადამიანზე, ან 40 000 ბატი ოჯახის შემთხვევაში);
- ქვეყანაში დროებითი საცხოვრებლის დამადასტურებელი საბუთი (მაგ. სასტუმროს ჯავშანი).
60 დღეზე ხანგრძლივი მოგზაურობისთვის ან არატურისტული მიზნებისთვის საქართველოს მოქალაქეებს კვლავ დასჭირდებათ ვიზის აღება. ვიზა გაიცემა თურქეთის დედაქალაქ ანკარაში ტაილანდის სამეფოს საელჩოს საკონსულო სამსახურის მიერ.
