ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწე ჯიმ ო’ბრაიენი საქართველოს მართლმადიდებელი ეკლესიის წმინდა სინოდის წევრს, ბოდბელ მთავარეპისკოპოს იაკობს და არასამთავრობო ორგანიზაცია „დემოკრატიისა და განვითარების ცენტრის“ ხელმძღვანელს, ქეთევან ჩაჩავას შეხვდება.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
სახელმწიფო დეპარტამენტის ვებგვერდზე გამოქვეყნებული ინფორმაციის მიხედვით, შეხვედრა დღეს, ვაშინგტონში, ადგილობრივი დროით 11:30 საათზე (თბილისის დროით 19:30) გაიმართება.
აღნიშნული შეხვედრის ფონია ამერიკის შეერთებულ შტატებსა და საქართველოს მთავრობას შორის გართულებული ურთიერთობები.
ცოტა ხნის წინ პრეზიდენტ ჯო ბაიდენის ადმინისტრაციამ საქართველოს პრემიერ-მინისტრ ირაკლი კობახიძეს გაუუქმა მიწვევა ყოველწლიურ მიღებაზე, რომელიც ნიუ-იორკში, გაეროს გენერალური ასამბლეის 79-ე სესიის მონაწილე დელეგაციათა მეთაურების პატივსაცემად გაიმართა. გარდა ამისა, ბაიდენის ადმინისტრაციამ უარი თქვა ქართულ დელეგაციასთან შეხვედრაზე. როგორც საქართველოში აშშ-ის საელჩომ განმარტა, ამის მიზეზი საქართველოს მთავრობის ანტიდემოკრატიული ქმედებები, აშშ-ისა და დასავლეთის მიმართ დეზინფორმაცია და ნეგატიური რიტორიკაა.
ჯიმ ო’ბრაიენი საქართველოში მაისში იმყოფებოდა. აღსანიშნავია, რომ მაშინ მას შეხვედრაზე უარი უთხრა „ქართული ოცნების“ საპატიო თავმჯდომარემ, ბიძინა ივნიშვილმა.
„ამერიკის ხმის“ ინფორმაციით, ამერიკის ხაზინის და სახელმწიფო დეპარტამენტებს ივანიშვილის წინააღმდეგ სანქციების პაკეტი აქვთ შემუშავებული და უახლოეს მომავალში მის დაწესებას განიხილავენ.
