Ամերիկայի Միացյալ Նահանգների պետքարտուղարի Եվրոպայի և Եվրասիայի հարցերով օգնական Ջիմ Օ'Բրայենը կհանդիպի Վրաց Ուղղափառ Եկեղեցու Սուրբ Սինոդի անդամ, արքեպիսկոպոս Իակոբ Բոդբելիի և «Ժողովրդավարության և զարգացման կենտրոն» հասարակական կազմակերպության ղեկավար Քեթևան Չաչավայի հետ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Պետդեպարտամենտի կայքում հրապարակված տեղեկության համաձայն՝ հանդիպումը տեղի կունենա այսօր Վաշինգտոնում՝ տեղական ժամանակով 11:30-ին (Թբիլիսիի ժամանակով 19:30-ին):
Նշված հանդիպման նախապատմությունը Ամերիկայի Միացյալ Նահանգների և Վրաստանի կառավարության միջև բարդ հարաբերություններն են։
Օրերս նախագահ Ջո Բայդենի վարչակազմը չեղարկել է Վրաստանի վարչապետ Իրակլի Կոբախիձեի հրավերը Նյու Յորքում կազմակերպված ամենամյա ընդունելությանը՝ ի պատիվ ՄԱԿ-ի Գլխավոր ասամբլեայի 79-րդ նստաշրջանին մասնակցող պատվիրակությունների ղեկավարների։ Բացի այդ, Բայդենի վարչակազմը հրաժարվել է հանդիպել Վրաստանի պատվիրակության հետ։ Ինչպես պարզաբանել են Վրաստանում ԱՄՆ դեսպանությունից, դրա պատճառը Վրաստանի կառավարության հակաժողովրդավարական գործողություններն են, ապատեղեկատվությունն ու բացասական հռետորաբանությունը ԱՄՆ-ի և Արևմուտքի նկատմամբ։
Ջիմ Օ'Բրայենը Վրաստանում էր մայիսին։ Նշենք, որ «Վրացական երազանքի» պատվավոր նախագահ Բիձինա Իվնիշվիլին հրաժարվել է հանդիպել նրա հետ։
«Ամերիկայի Ձայնի» փոխանցմամբ՝ ԱՄՆ-ի գանձապետարանը և պետքարտուղարությունը Իվանիշվիլիի դեմ պատժամիջոցների փաթեթ են մշակել և քննարկում են մոտ ապագայում այն կիրառելու մասին։
