121 հասարակական և լրատվական կազմակերպություններ դիմել են Սահմանադրական դատարան՝ ընդդեմ այսպես կոչված «օտարերկրյա գործակալների» մասին ռուսական օրենքի։ Հայցով պահանջվում է չեղարկել օրենքը, իսկ մինչև դատարանի վերջնական որոշում կայացնելը դադարեցնել օրենքի հակասահմանադրական նորմերի կիրարկումը։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
«Սահմանադրական հայցը ևս մեկ անգամ հստակորեն հաստատում է, որ այս օրենքը սահմանափակում է յուրաքանչյուր մարդու իրավունքը՝ համախմբվելու համախոհների հետ՝ ընդհանուր բարօրության և մարդկանց օգնելու համար։ Ընդունելով ռուսական օրենքը՝ կառավարությունը ստեղծում է թշնամական և արժանապատվությունը ոտնահարող միջավայր՝ դրանով իսկ վտանգելով միավորումների, արտահայտվելու և այլ իրավունքների ու ազատությունների օգտվելը»,- այսօր կայացած ճեպազրույցում ասել է Տեղեկատվության ազատության զարգացման ինստիտուտի (IDFI) ներկայացուցիչ Գիորգի Դավիթուրին։
Հայցվորները հույս ունեն, որ Սահմանադրական դատարանը հնարավորինս արագ կիրականացնի իր լիազորությունները և կկասեցնի օրենքի վիճարկվող հոդվածները։ Միաժամանակ պատրաստվում է բողոք՝ Մարդու իրավունքների եվրոպական դատարան
«Եթե Սահմանադրական դատարանը երկարաձգի գործընթացը, ապա միջազգային մեխանիզմների կիրառումը կշարունակվի։
Երբ պետությանը հնարավորություն տրվի կիրառելու այս օրենքը, երկրում աստիճանաբար կճնշվի քննադատական ձայնը, կամաց-կամաց կվերանան արտահայտվելու և միավորվելու ազատության կազմակերպչական ձևերը։ Դա վերաբերում է ինչպես լրատվամիջոցներին, այնպես էլ ոչ կառավարական հատվածին։
Եվս մեկ անգամ կրկնում ենք, որ մենք չենք ապրելու ռուսական օրենքի կանոններով, չենք ենթարկվելու դրան և կօգտագործենք բոլոր հնարավոր ներքին ու միջազգային մեխանիզմները՝ խոչընդոտելու դրա գործունեությունը, քանի դեռ օրենքը անվերապահորեն չեղյալ չի հայտարարվել։ Այո՛ Եվրոպային, ո՛չ ռուսական օրենքին»,- նշել է Դավիթուրին։
Վրաստանի նախագահ Սալոմե Զուրաբիշվիլին նույնպես դիմել է Սահմանադրական դատարան՝ ընդդեմ ռուսական օրենքի։ Նախագահի խորհրդարանական քարտուղար Գիորգի Մսխիլաձեի խոսքով՝ Զուրաբիշվիլին պահանջում է կասեցնել ռուսական օրենքը և վերջնականապես չեղարկել այն, քանի որ կարծում է, որ այն հակասում է Վրաստանի Սահմանադրության 78-րդ հոդվածին (եվրոպական և եվրատլանտյան կառույցներին ինտեգրում)։ «Հայցադիմումում վիճարկվում են նաև մի շարք նորմեր, որոնք խախտում են սահմանադրությամբ երաշխավորված մի շարք հիմնարար իրավունքներ»,- ասել է Մսխիլաձեն։
Սահմանադրական հայց են ներկայացնելու նաև խորհրդարանի ընդդիմադիր պատգամավորները։ Ինչպես նշել է Թամար Կորձաիան, հայցը գրեթե պատրաստ է, և այն արդեն ունի 30 պատգամավորի ստորագրություն։
Եթե Սահմանադրական դատարանը չկատարի հայցվորների պահանջները, ապա սեպտեմբերի 3-ից ռուսական օրենքն ամբողջությամբ կգործարկվի։ Բոլոր այն հասարակական և լրատվական կազմակերպությունները, որոնք իրենց եկամուտների 20%-ից ավելին ստանում են միջազգային կազմակերպություններից ստացված դրամաշնորհներից, պետք է գրանցվեն որպես օտարերկրյա ուժի շահերն իրականացնող կազմակերպություններ։ Օրենքը «օտար ուժի» կարգավիճակ կտա երկրի ռազմավարական գործընկերներին, որոնք դրամաշնորհներ են տրամադրում Վրաստանում։
ԵՄ-ի և ԱՄՆ-ի ղեկավարները զգուշացրել են Վրաստանի իշխանություններին, որ օրենքի ընդունումը կխոչընդոտի երկրի եվրաատլանտյան ինտեգրման գործընթացին։ Չնայած այս նախազգուշացումներին և հանրային բողոքներին, «Վրացական երազանքի» խորհրդարանական մեծամասնությունը մայիսի 28-ին հաղթահարեց նախագահի վետոն և ի վերջո ընդունեց ռուսական օրենքը։
