Թբիլիսիում՝ Լիլոյի բնակավայրում 21-ամյա Քեթի Ջավախիշվիլիի սպանության գործով ձերբակալվել է նրա ծանոթ տղամարդը։ ՆԳ նախարարության տեղեկության համաձայն՝ ձերբակալվածին մեղադրանք է առաջադրվել դիտավորությամբ սպանության համար, որը կատարվել է ծայրահեղ դաժանությամբ, որը պատժվում է 16-ից 20 տարի ժամկետով կամ ցմահ ազատազրկմամբ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Հետաքննությամբ պարզվել է, որ մեղադրյալը՝ 2003 թվականին ծնված Օ.Ց.-ն, փոխադարձ վիճաբանության ժամանակ սառը զենքի միջոցով մահացու վնասվածք է հասցրել Քեթի Ջավախիշվիլիին և թաքնվել դեպքի վայրից։
Սպանված կնոջ մարմինը փետրվարի 28-ի առավոտյան տնամերձ փոսում հայտնաբերել է նրա հայրը։ Տեղացիների խոսքով՝ նրա ձեռքերը կապված են եղել մետաղալարով, իսկ մարմնի վրա բազմաթիվ վնասվածքներ է ունեցել։
Ոստիկանությունը սպանության մեջ մեղադրվողին ձերբակալել է Զուգդիդիի մունիցիպալիտետում։
2024 թվականի սկզբից սա Վրաստանում կնոջ սպանության երրորդ աղմկահարույց դեպքն է։ «Վրաստանի լուրերը» գրել է, որ 2014-2023 թվականներին Վրաստանում սպանվել է ավելի քան 200 կին։ Այստեղից, ըստ դատախազության տվյալների, 2014-2022 թվականներին սպանվել է 195 կին։ 2023 թվականի հունվար-հունիսին արձանագրվել է կանանց սպանության 13 դեպք։
