თბილისში, ლილოს დასახლებაში 21 წლის ქეთი ჯავახიშვილის მკვლელობის საქმეზე მისი ნაცნობი მამაკაცი დააკავეს. შინაგან საქმეთა სამინისტროს ინფორმაციით, ოთარ ცინდელიანს ბრალად განსაკუთრებული სისასტიკით ჩადენილი განზრახ მკვლელობა ედება, რაც 16-დან 20 წლამდე ან უვადო თავისუფლების აღკვეთით ისჯება.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 4 სომხური მედია საზღვრისპირა სოფელ ჯილიზას საქართველოსთვის გადაცემაზე წერს
- 5 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 6 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
გამოძიებით დადგინდა, რომ ბრალდებულმა, 2003 წელს დაბადებულმა ოთარ ცინდელიანმა, ქეთი ჯავახიშვილს ურთიერთშელაპარაკების ნიადაგზე, ცივი იარაღის გამოყენებით, სასიკვდილო ჭრილობა მიაყენა და შემთხვევის ადგილიდან მიიმალა.
მოკლული ქალის ცხედარი 28 თებერვალს, დილით, საცხოვრებელ სახლთან ახლოს, თხრილში მამამ იპოვა. ადგილობრივების ინფორმაციით, მას ხელები მავთულით ჰქონდა შეკრული და სხეულზე მრავლობითი დაზიანებები აღენიშნებოდა.
პოლიციამ მკვლელობაში ბრალდებული ზუგდიდის მუნიციპალიტეტში დააკავა.
2024 წლის დასაწყისიდან ეს საქართველოში ქალის მკვლელობის მესამე გახმაურებული ფაქტია. „საქართველოს ამბები“ წერდა, რომ 2014-2023 წლებში საქართველოში 200-ზე მეტი ქალი მოკლეს. აქედან, პროკურატურის მონაცემებით, 2014-2022 წლებში მოკლულია 195 ქალი. 2023 წლის იანვარ-ივნისში ფემიციდის 13 შემთხვევა დაფიქსირდა.
