Սիղնաղի ոստիկանական բաժանմունքում քաղաքացի Վլադիմիր Մճեդլիշվիլիին ծեծի ենթարկելուց 7 տարի անց նախկին շրջանային տեսուչ-քննիչին մեղադրանք է առաջադրվել պաշտոնեական լիազորությունները չարաշահելու համար։ Դատախազությունը դիմել է Թբիլիսիի քաղաքային դատարան՝ մեղադրյալի նկատմամբ որպես խափանման միջոց կալանք կիրառելու խնդրանքով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
2023 թվականի դեկտեմբերի 14-ին Մարդու իրավունքների եվրոպական դատարանը «Վլադիմեր Մճեդլիշվիլին ընդդեմ Վրաստանի» գործով հայտնաբերել է Եվրոպական կոնվենցիայի 3-րդ հոդվածի (խոշտանգում, անմարդկային կամ նվաստացնող պատիժ կամ նման վերաբերմունք անձի նկատմամբ) ընթացակարգային կողմի խախտում։ Նշված որոշման հիման վրա պետությունը պարտավորվել է գործով արդյունավետ քննություն իրականացնել։
Հատուկ քննչական ծառայությունում իրականացված քննությամբ պարզվել է, որ 2017 թվականի մայիսի 15-ին Սիղնաղիում՝ Ամուսնությունների տան հարակից տարածքում, ՆԳՆ Կախեթիի ոստիկանության բաժնի Սիղնաղիի շրջանային վարչության տեսուչ-հետաքննիչ Գ.Ն.-ն իր աշխատակիցների հետ, նրան վարչական կարգով ձերբակալել է։ Նույն օրը ոստիկանության ծառայողները ձերբակալվածին տեղափոխել են նշված բաժնի վարչական շենք, որտեղ շրջանային տեսուչ-հետաքննիչ Գ.Ն.-ն նրան պատճառել է մարմնական վնասվածքներ, ինչը երկարատև վնաս է պատճառել Վլադիմիր Մճեդլիշվիլիի առողջությանը։
Կախեթիի շրջանային դատախազությունում ոստիկանի կողմից լիազորությունների հնարավոր չարաշահման փաստով հետաքննությունը սկսվել է 2017 թվականի մայիսի 17-ին, սակայն տարիներ շարունակ չի ավարտվել։ «Սոցիալական արդարության կենտրոն» հասարակական կազմակերպությունը դիմել է Ստրասբուրգի դատարան հենց ազգային մակարդակով հետաքննության ձգձգման պատճառով։
Եթե նախկին ոստիկանին մեղավոր ճանաչեն, նրան սպառնում է 5-ից 8 տարվա ազատազրկում։
