Օկուպացված Աբխազիայի դե ֆակտո ՆԳՆ-ն հրաժարվել է Ռուսաստանի Դաշնության Ազգային գվարդիայի («Ռոսգվարդիա») հետ համագործակցության մասին համաձայնագիր ստորագրել։ Փաստաթղթին՝ որպես «հակազգային» նախաձեռնություն, դեմ էին արտահայտվում այսպես կոչված ընդդիմադիր կուսակցություններն ու քաղաքացիական կազմակերպությունները։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
«Մենք կիսում ենք քաղաքացիների բոլոր զգացմունքներն ու մտահոգությունները։ Այս առումով, որպես ՆԳ նախարար, պատասխանատվությամբ հայտարարում եմ, որ մեր գերատեսչությունում, ինչպես նաև երկրի ողջ ղեկավարության մեջ չկան մարդիկ, ովքեր պատրաստ են գործել և իրենց մասնագիտական գործունեությունն իրականացնել ի վնաս Աբխազիայի պետության ազգային շահերի կամ մեր քաղաքացիների»,- ասել է դե ֆակտո ներքին գործերի նախարար Ռոբերտ Կյուտը։
Նրա խոսքով՝ գործող սահմանադրությունն ու օրենսդրությունը թույլ չեն տալիս Աբխազիայում հասարակական անվտանգությունն ու կարգուկանոնը ապահովել օտար պետության ուժային կառույցների կողմից․
«Հանրապետության ներքին գործերի նախարարությունը և այլ իրավապահ մարմիններն ունեն բավարար կադրեր՝ հասարակական կարգը պաշտպանելու, հասարակական անվտանգությունն ապահովելու, ահաբեկչության և ծայրահեղականության դեմ պայքարելու, զենքի առևտրի ոլորտում պետական վերահսկողություն իրականացնելու, ֆիզիկական և իրավաբանական անձանց գույքը պաշտպանելու համար, հանցագործության դեմ ուժային աջակցության միջոցների համար»։
Տեղեկությունները այն մասին, որ օկուպացված Աբխազիայի այսպես կոչված ներքին գործերի նախարարությունը պատրաստվում է պայմանագիր կնքել «Ռոսգվարդիայի» հետ, տարածվել է փետրվարի 9-ին։ Աբխազական լրատվամիջոցները հրապարակել են համաձայնագրի նախագիծ, ըստ որի համագործակցությունը ներառում է Աբխազիայի տարածքում հասարակական կարգի ապահովումը և ֆիզիկական և իրավաբանական անձանց գույքի պաշտպանությունը։
Այսպես կոչված ընդդիմադիր քաղաքական կուսակցությունների և քաղաքացիական կազմակերպությունների կարծիքով՝ համաձայնագրի ստորագրման դեպքում Ռուսաստանի ուժային կառույցներին հնարավորություն կտրվի ուղղակիորեն միջամտել Աբխազիայի ներքաղաքական գործերին։
«Համաձայնագիրը, որով հարևան պետության Ազգային գվարդիայի զորքերը կսկսեն կարգուկանոն հաստատել Աբխազիայում, ոչ միայն հարված է մեր երկրի անկախությանը, այլև այն ջնջելու է այն ամենը, ինչին մենք հասել ենք 30 տարվա ընթացքում։ Միլիցիայի գործառույթները կհանձնենք օտարներին։ Սա ավելին է, քան դավաճանությունը»,- ասել է Աբխազիայի դե ֆակտո խորհրդարանի նախկին պատգամավոր Ալմաս Արձինբան։
Համաձայնագրի ստորագրման ընդդիմախոսները պահանջում էին դե ֆակտո ներքին գործերի նախարարի հրաժարականը։
