«Վրացական իշխանությունները պետք է անհապաղ դադարեցնեն Աֆղան Սադիգովի արտահանձնման փորձերը՝ միջազգային իրավունքով ստանձնած պարտավորություններին և չարտաքսման սկզբունքի պահանջներին համապատասխան, և նրան և նրա կնոջը միջազգային պաշտպանություն տրամադրեն, եթե նրանք դա խնդրեն»,- այսպես է արձագանքում Amnesty International միջազգային կազմակերպությունը Վրաստանում ադրբեջանցի լրագրող, Azel.TV-ի խմբագիր Աֆգան Սադիգովի ձերբակալությանը և արտահանձնման կալանքին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Amnesty International-ի Արևելյան Եվրոպայի և Կենտրոնական Ասիայի գծով փոխտնօրեն Դենիս Կրիվոշեևն ասել է, որ Աֆղան Սադիգովի արտահանձնումն Ադրբեջան իրավունքների լուրջ ոտնահարման վտանգի կստեղծի: Դրանք ներառում են խոշտանգումները, կամայական ազատությունից զրկելը և արդար դատաքննության իրավունքի խախտումը:
Կրիվոշևի խոսքով՝ Սադիգովի գործը շարունակում է Ադրբեջանում անկախ լրատվամիջոցների արմատախիլ անելու միտումը, որն ակտիվացել է մինչև նոյեմբերին Բաքվում նախատեսված ՄԱԿ-ի Կլիմայի փոփոխության համաժողովը (COP 29): Amnesty International-ը փաստագրել է համաժողովին նախորդող ժամանակահատվածում Ադրբեջանում կեղծ մեղադրանքներով անկախ լրագրողների, ակտիվիստների և իրավապաշտպանների ձերբակալությունների բազմաթիվ դեպքեր:
Amnesty International-ը նաև կոչ է անում Ադրբեջանի իշխանություններին դադարեցնել լրագրողների և կառավարության այլ քննադատների քաղաքական դրդապատճառներով հետապնդումները և անհապաղ ազատ արձակել նրանց, ովքեր ձերբակալվել են իրենց խոսքի ազատության իրավունքից օգտվելու համար:
Օգոստոսի 3-ին քրեական ոստիկանության աշխատակիցները Սադիգովին ձերբակալել են փողոցում՝ կնոջ և երեխաների ներկայությամբ, իսկ օգոստոսի 4-ին դատավորը նրան դատապարտել է եռամսյա արտահանձնման կալանքի։ Ներքին գործերի նախարարության տվյալներով՝ Աֆղան Սադիգովը Ադրբեջանում հետախուզվում է սպառնալիքների և շորթման համար։ Նա կմնա անազատության մեջ՝ սպասելով արտահանձնման վերաբերյալ վերջնական որոշման։ Փաստաբան Դիմիտրի Նոզաձեի խոսքով՝ լրագրողը ապաստան է խնդրում Վրաստանում։
Սևինչ Սադիգովան կարծում է, որ իր ամուսինը հետապնդվում է Ադրբեջանի կառավարությանը քննադատելու համար և կալանավորվում է Ադրբեջանի նախագահ Իլհամ Ալիևի հրամանով։ Ձերբակալությունից մոտ երկու շաբաթ առաջ ընտանիքը փորձել է մեկնել Թուրքիա, սակայն վրացի սահմանապահները Թբիլիսիի միջազգային օդանավակայանում Աֆղան Սադիգովին թույլ չեն տվել հատել սահմանը։ Այն ժամանակ Սադիգովին չեն ձերբակալել, ասել են, որ կարող է միայն Ադրբեջան վերադառնալ։
Աֆղան Սադիգովը Վրաստանում է ապրում 2023 թվականի դեկտեմբերի 24-ից։ Փաստաբանի խոսքով՝ մայիսին Ադրբեջանում լրագրողի դեմ քրեական գործ է հարուցվել՝ առանց իր իմացության։
Այս թեմայով՝
IPI-ն Վրաստանի կառավարությանը կոչ է անում լրագրող Աֆղան Սադիգովին չհանձնել Ադրբեջանին
