Խորհրդարանի անկախ պատգամավոր Թեոնա Աքուբարդիան հանդես է եկել նախաձեռնությամբ, ըստ որի խորհրդարանը պետք է համատեղ հայտարարություն ընդունի հուլիսի 11-12-ին Վիլնյուսում նախատեսված ՆԱՏՕ-ի գագաթնաժողովից առաջ, որտեղ Վրաստանի՝ ՆԱՏՕ-ին միանալու ցանկության հետ մեկտեղ կարձանագրվի աջակցության խնդրանք դաշինքի անդամ երկրների ղեկավարներից։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 4 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 5 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 6 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
Այսօր, ելույթ ունենալով խորհրդարանի լիագումար նիստում, Աքուբարդիան նշել է, որ դեռևս հայտնի չէ, թե արդյոք Վրաստանի վարչապետը կմասնակցի գագաթնաժողովին, և ինչ է ակնկալում երկիրը ՆԱՏՕ-ից, հատկապես այն բանից հետո, երբ Իրակլի Ղարիբաշվիլին Ուկրաինայի դեմ Ռուսաստանի ագրեսիայի պատճառ է նշել ՆԱՏՕ-ի ընդլայնումն ու դաշինքին միանալու Ուկրաինայի ցանկությունը։
«Քանի որ Վրաստանի խորհրդարանում ոչ մի բանաձև չի ընդունվել այն բանից հետո, երբ ՆԱՏՕ-ի ընդլայնման պատրվակող Ռուսաստանը սկսեց վերանայել միջազգային օրակարգը, իսկ հետո Ուկրաինայի դեմ ագրեսիա սկսեց, մենք ոչ մի խորհրդարանական կոչ չենք արել ՆԱՏՕ-ի անդամներին և առաջնորդներին։ Կոչ եմ անում խորհրդարանի յուրաքանչյուր պատգամավորին, այժմ, երբ Վիլնյուսում անցկացվում է ՆԱՏՕ-ի գագաթնաժողովը, երբ նախագահ Զելենսկին որպես Ուկրաինայի ղեկավար ներկայացված կլինի այս գագաթնաժողովում, չնայած այն հանգամանքին, որ կառավարությունը դեռ չի ասել, թե արդյոք վարչապետը ներկա կգտնվի Վիլնյուսի գագաթնաժողովին, հանդես գանք համատեղ կոչով։
Դիմենք ՆԱՏՕ-ի անդամ երկրներին, որպեսզի ևս մեկ անգամ ՆԱՏՕ-ի անդամ դառնալու Վրաստանի ցանկության հետ մեկտեղ արձանագրվի նաև Վրաստանին սատարելու խնդրանքը, քանի որ դա Վրաստանի անվտանգության ամենակարևոր հովանոցն է և սահմանադրությամբ ամրապնդված ընտրությունը, չնայած այն հակաարևմտյան հայտարարություններին, որոնք արվում են ՆԱՏՕ-ի հասցեին իշխանության, այդ թվում՝ վարչապետի կողմից»,- ասել է Թեոնա Աքուբարդիան։
Ընդդիմադիր պատգամավորը կոչ է արել «Վրացական երազանքի» անդամներին հայտնել, թե ինչ են մտածում այս հարցի վերաբերյալ։
Վիլնյուսի գագաթնաժողովի գլխավոր թեման լինելու է Ուկրաինան և նրա հարաբերությունները ՆԱՏՕ-ի հետ։ Մի քանի օր առաջ Մոլդովայում Եվրոպական քաղաքական միության (EPC) երկրորդ գագաթնաժողովում իր ելույթի ժամանակ նախագահ Վլադիմիր Զելենսկին ասել էր, որ բոլոր եվրոպական երկրները, որոնք սահմանակից են Ռուսաստանին և որոնք չեն ուզում մասնատվել Ռուսաստանի կողմից՝ պետք է լինեն Եվրամիության և ՆԱՏՕ-ի լիիրավ անդամներ։ Զելենսկիի խոսքով՝ Ուկրաինան ակնկալում է, որ ՆԱՏՕ-ի գագաթնաժողովում իր երկիրը կստանա անդամակցության հրավեր և անվտանգության երաշխիքներ՝ անդամակցելու ճանապարհին։
