Ռուսամետ ու բռնի գործողություններով հայտնի «Ալտ-Ինֆոն» մեկ այլ ռուսամետ կուսակցության՝ «Հայրենասերների դաշինքի» օգնությամբ է պատրաստվում մասնակցել խորհրդարանական ընտրություններին։ Այս մասին հայտնել է «Ալտ-Ինֆոյի» ղեկավարներից Զուրաբ Մախարաձեն։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Մախարաձեի խոսքով՝ իրենք երկար բանակցություններ են ունեցել «Հայրենասերների դաշինքի» հետ, և նրանց տեսլականները համընկնում են։
«Ընտրություններին մասնակցելու միակ հնարավորությունը մի կուսակցություն է, որը չեն կարող չեղարկել։ Պահպանողական թևի միակ կուսակցությունը, որի հետ կա գաղափարական համապատասխանություն և որը հնարավոր չէ արգելափակել, «Հայրենասերների դաշինքն» է։
Իրավական առումով այն խորհրդարանական կուսակցություն է, ստորագրահավաքի կարիք չունի և արդեն մասնակցում է ընտրություններին։ Անհնար է նաև արգելափակել։ Մեր և նրանց միջև սկզբունքային պայմանավորվածություն է կայացվել։ Մանրամասների վրա աշխատանքներ են տարվում։ Այս տարվա խորհրդարանական ընտրություններին մենք անպայման մասնակցելու ենք, ոչ միայն մենք՝ պահպանողական կողմում քիչ թե շատ կշիռ ունեցողները, իսկապես պահպանողական ուժերը, կմիավորվենք և «Հայրենասերների դաշինքի» միջոցով այս մեծ ազգային միասնությունը կմասնակցի ընտրություններին»,- ասել է Զուրաբ Մախարաձեն։
Ապրիլի 8-ին Հանրային ռեգիստրը չեղարկել է «Ալտ-Ինֆոյի» կուսակցությունը՝ «Պահպանողական շարժումը»։ Հանրային ռեգիստրը Հակակոռուպցիոն բյուրոյի դիմումի հիման վրա ուսումնասիրել է կուսակցության գրանցման օրինականությունը և պարզել, որ «Պահպանողական շարժում/Ալտ-Ինֆոյի» ղեկավարության կողմից 2021 թվականի դեկտեմբերի 6-ին գրանցման նպատակով ներկայացված հիմնադիր փաստաթղթերը չեն համապատասխանում օրենքով սահմանված պահանջներին։ «Ալտ-Ինֆոյի» ղեկավարները հայտարարեցին, որ կառավարությունը օրենքի կոպիտ խախտումով չեղարկել է կուսակցությունը, որպեսզի չկարողանան մասնակցել խորհրդարանական ընտրություններին։ Չեղարկումից մի քանի օր առաջ Կենտրոնական ընտրական հանձնաժողովը «Պահպանողական շարժում/Ալտ-Ինֆոն» գրանցել է որպես ընտրական սուբյեկտ։
Դրանից հետո «Ալտ-Ինֆոն» որոշել է ընտրություններին մասնակցել «Վրացական գաղափար» կուսակցության միջոցով, սակայն ապրիլի 23-ին Հակակոռուպցիոն բյուրոյի դիմումի հիման վրա Հանրային ռեգիստրը սկսել է «հետաքննել օրենսդրության համապատասխանությունը»։ Մինչև այս գործընթացի ավարտը ԿԸՀ-ն դադարեցրել է «Վրացական գաղափարի»՝ որպես ընտրական սուբյեկտի գրանցման գործընթացը։
Խորհրդարանական ընտրությունները տեղի կունենան հոկտեմբերի 26-ին։
