ԱՄՆ Միջազգային զարգացման գործակալությունը՝ USAID-ը, խստորեն դատապարտում է այսպես կոչված «օտարերկրյա գործակալների» մասին ռուսական օրենքի ընդունումը։ Կազմակերպության ղեկավար Սամանթա Փաուերի խոսքերով՝ այս օրենքը խաթարում է Վրաստանի կենսունակ քաղաքացիական հասարակությունը և անկախ լրատվամիջոցները, ինչը, ի վերջո, կդժվարացնի վրաց ժողովրդին էական ծառայություններ մատուցելը:
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
«Մենք խորապես մտահոգված ենք նման օրենսդրության ազդեցությունով այն կազմակերպությունների վրա, որոնք տեղում կարևոր աշխատանք են կատարում ժողովրդավարական կառավարումն ամրապնդելու և տնտեսական աճը խթանելու համար»:
Ինչպես արդեն հայտնել է ԵՄ-ն, այս օրենքը ներուժ ունի խոչընդոտելու Վրաստանի ԵՄ-ին հետագա ինտեգրման հեռանկարները, այն ջանքերը, որը վայելում է վրաց ժողովրդի մեծամասնության աջակցությունը:
Սա ուղղակիորեն կվտանգի Միացյալ Նահանգների և Վրաստանի միջև երկարամյա երկկողմ գործընկերությունը, որը հիմնված է փոխադարձ շահերի և ժողովրդավարության նկատմամբ ընդհանուր հանձնառության վրա։ Համագործակցություն, որը սկիզբ է առել 1990-ականների սկզբից, որի ընթացքում USAID-ը տրամադրել է մոտ 2 միլիարդ դոլարի օգնություն»,- ասել է Սամանթա Փաուերը:
Միացյալ Նահանգները կոչ է անում Վրաստանի կառավարությանը կենտրոնանալ նախաձեռնությունների վրա, որոնք կբավարարեն վրաց ժողովրդի ամենահրատապ կարիքները:
«Վրացական երազանքն» անցյալ տարի ետ կանչված այսպես կոչված «օտարերկրյա գործակալների» մասին ռուսական օրենքը 2024 թվականի ապրիլի 3-ին կրկին օրակարգ բերեց և բոլոր երեք ընթերցմամբ ընդունեց վեց շաբաթվա ընթացքում։ Օրինագծին կողմ են քվեարկել «Վրացական երազանքի», «Ժողովրդի ուժի» և «Եվրոպացի սոցիալիստների» 84 պատգամավորները։
Ռուսական օրենքը, որը անկախ լրատվամիջոցներին և հասարակական կազմակերպություններին օտարերկրյա գործակալներ է համարում, Վրաստանի բոլոր արևմտյան գործընկերների կողմից դատապարտվել է որպես անհամապատասխան եվրոպական նորմերին/արժեքներին և անհամատեղելի երկրի համար, որը ցանկանում է անդամակցել ԵՄ-ին և ՆԱՏՕ-ին:
Վարչապետ Իրակլի Կոբախիձեի խոսքով՝ մայիսի 14-ից 28-ն ընկած ժամանակահատվածում, վետոյի ընթացակարգի շրջանակներում, հնարավոր է համաձայնեցնել դիրքորոշումները օրենքի վերաբերյալ, եթե ներկայացվեն «կոնկրետ իրավական դիտողություններ»։
Եթե օրենքը չհամապատասխանի ԵՄ նորմերին, ապա ԱՄՆ-ի կողմից սպասվում են պատժամիջոցներ։
