Այսօր Թբիլիսիում տեղի կունենա բողոքի ցույց՝ ընդդեմ ռուսական օրենքի ընդունման և ի պաշտպանություն Վրաստանի եվրաինտեգրման։ Ժամը 17:00-ից քաղաքացիները հավաքվելու են խորհրդարանի մոտ։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
Մայիսի 1-ին լիագումար նիստում ռուսական օրենքը քննարկվում է երկրորդ ընթերցմամբ։ Խորհրդարանի նախագահ Շալվա Պապուաշվիլին ընդդիմադիր պատգամավորներին հնարավորություն չի տալիս հայտարարություն անել ու հարցը ավարտել և հեռացնում է դահլիճից։ Ընդդիմությունը «Վրացական երազանքին» կոչ է անում դադարեցնել օրենքի քննարկումը։
Ապրիլի 15-ից սկսած ամեն օր Թբիլիսիում զանգվածային ցույցեր են անցկացվում ընդդեմ ռուսական օրենքի։ Երեկ ՆԳՆ-ն ցրել է խաղաղ ցուցարարներին, որպեսզի ռուսական օրենքին սատարող «Վրացական երազանքի» պատգամավորները կարողանան հանգիստ լքել խորհրդարանը։
Քաղաքացիների նկատմամբ կիրառվել է պղպեղի սփրեյ, ջրցան մեքենաներ և արցունքաբեր գազ, ինչի համար, ըստ հանրային պաշտպանի, ՆԳՆ-ն որևէ հիմք չի ունեցել։ Բացի այդ, հատուկջոկատայինները բռնություն են գործադրել քաղաքացիների նկատմամբ, դաժան ծեծի են ենթարկել «Միացյալ ազգային շարժման» նախագահ, պատգամավոր Լևան Խաբեիշվիլիին։ Հանրահավաքի ժամանակ վիրավորվել են նաև լրագրողներ։
ՆԳՆ-ն մանր խուլիգանության և ոստիկանության օրինական պահանջներին չենթարկվելու պատրվակով վարչական կարգով բերման է ենթարկել 63 անձի։