Վրաստանի Ազգային բանկը այսօր վաճառել է 60 մլն դոլար։ Ըստ Ազգային բանկի՝ որոշումը կայացվել է արտարժույթի շուկայում վերջին օրերին «զարգացած աժիոտաժային գործընթացների» պատճառով, որն ուղեկցվել է միանվագ խոշոր գործարքներով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Կար արժույթի ավելցուկային պահանջարկ, ինչը լրացուցիչ ճնշում ստեղծեց լարիի փոխարժեքի վրա։ Արտարժույթի շուկայում նկատվող տատանումները պայմանավորված չեն հիմնարար մակրոտնտեսական գործոններով, հետևաբար կարճաժամկետ են։ Միջազգային պահուստները գտնվում են պատմական առավելագույնի վրա, արտաքին ներհոսքերը՝ կայուն, ընթացիկ հաշվի դեֆիցիտը պատմական նվազագույնի վրա է, վերջին երեք տարիներին արձանագրվել է բարձր տնտեսական աճ, գնաճը 3%-ից ցածր է, հարկաբյուջետային հաշվեկշիռը և պետական պարտքը՝ պահպանվում է կայուն մակարդակով:
Բանկային համակարգում իրացվելի ակտիվների ընդհանուր ծավալն այսօր գերազանցում է 16,7 մլրդ լարիի համարժեքը, ինչը վկայում է հնարավոր ցնցումների նկատմամբ աննախադեպ կայունության մասին։ Այսօր Վրաստանի ֆինանսական համակարգն ամենաուժեղներից մեկն է Եվրոպայում»,- ասվում է Ազգային բանկի հաղորդագրության մեջ։
Երեկ՝ մայիսի 15-ին, լարիի փոխարժեքը կտրուկ արժեզրկվել է արտարժույթի նկատմամբ։ Մեկ օրում 1 ԱՄՆ դոլարի պաշտոնական արժեքը 2,6866 լարիից դարձել է 2,7323 լարի։ Ազգային արժույթը արժեզրկվել է նաև եվրոյի նկատմամբ՝ 1 եվրոյի արժեքը սահմանվել է 2,9577 լարի, իսկ նախորդ օրվա պաշտոնական փոխարժեքը կազմել է 2,9005 լարի։ Այս պահին Վրաստանի բանկում 1 ԱՄՆ դոլարը հնարավոր է գնել 2,83 լարիով, եվրոն՝ 3,09 լարիով։
Լարին կտրուկ արժեզրկվել է, իսկ վրացական ընկերությունների բաժնետոմսերի գինը Լոնդոնի ֆոնդային բորսայում ընկել է այն բանից հետո, երբ Վրաստանի խորհրդարանը մայիսի 14-ին վերջնական ընդունեց «օտարերկրյա գործակալների» մասին ռուսական օրենքը։ Փորձագետների կարծիքով՝ շուկայում աժիոտաժի պատճառ է դարձել ԱՄՆ Պետդեպարտամենտի կողմից պատժամիջոցների և Վրաստանին օգնության հնարավոր դադարեցման մասին հայտարարությունները։
«Ազգային բանկը մայիսի սկզբին պետք է գիտակցեր, որ «գործակալների մասին» օրենքի ընդունումից հետո խուճապ է առաջանալու։ Ուշացել է։ Եթե նա կարող էր խուսափել լարիի և փոխարժեքի կտրուկ տատանումներից՝ վաճառելով մի քանի միլիոն դոլար մաս-մաս (կամ երկու տասնյակ միլիոն դոլար), ապա այսօր ստիպված կլինի դա անել շատ պահուստներ կորցնելու գնով»,- ասում է Վրաստանի Ազգային բանկի նախկին նախագահ, պատգամավոր Ռոման Գոցիրիձեն։
«Թրանսփարենսի Ինթերնեշնլ-Վրաստան»-ի ավագ վերլուծաբան Բեսո Նամչավաձեի կարծիքով՝ Ազգային բանկի հայտարարությունը մի քանի սուտ է պարունակում։
«Ազգային բանկն ասում է, որ միջազգային պահուստները գտնվում են պատմական առավելագույնի վրա, ինչը սուտ է։ Ապրիլի 30-ին պահուստները կազմել են 4,8 մլրդ դոլար, ինչը 11%-ով (623 մլն դոլար) պակաս է 2023 թվականի օգոստոսի ցուցանիշից։ Եթե դիտարկենք միայն արտարժույթը (որն օգտագործվում է լարիի փոխարժեքի կայունացման համար), ապա արժութային պահուստները կազմում են 3,8 մլրդ դոլար։ Օգոստոսին 1,1 մլրդ դոլարով ավելի՝ 4,9 մլրդ էր։
Ազգային բանկը նաև ասում է, որ արտաքին ներհոսքերը կայուն են, ինչը նույնպես սուտ է։ Վրաստանում արժութային ներհոսքի կարևոր աղբյուր հանդիսացող տրանսֆերտները հունվար-ապրիլին (նախորդ տարվա համեմատ) նվազել են 33%-ով (542 մլն դոլար): Նվազման պատճառը Ռուսաստանից տրանսֆերտների կրճատումն է, ավելանում են դրամական փոխանցումները Եվրոպայից և ԱՄՆ-ից։ Նաև հունվար-ապրիլին ապրանքների արտահանումը կրճատվել է 10%-ով, արդյունքում՝ առևտրի դեֆիցիտը աճել է 467 մլն դոլարով»,- ասել է Նամչավաձեն։
