«Աբխազիայի ժողովրդական շարժման» և ընդդիմության առաջնորդներից Ադգուր Արձինբայի խոսքով՝ Ասլան Բժանիան, ով այսպես կոչված նախագահի պաշտոնը զբաղեցնում էր 2020 թվականից, իսկ մի քանի օր առաջ բողոքի ցույցերի արդյունքում հրաժարական տվեց՝ վրացի պատգամավորներին գաղտնի տանում էր Աբխազիա։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Մենք տեղյակ ենք վրացական օլիգարխիայի մեզ մոտ ներթափանցելու վտանգի մասին։ Նկատի ունենալով, որ պարոն Բժանիան մի քանի վրացի պատգամավորների գաղտնի բերել է Աբխազիա և, մեր տեղեկություններով, ակտիվ հարաբերություններ է ունեցել Ռուսաստանում վրացական սփյուռքի ներկայացուցիչների հետ»,- ասել է Արձինբան ռուսական լրատվամիջոցներին տված հարցազրույցում։
Նրան հարցրել են նաև, թե ինչ է մտածում Թբիլիսիի հետ հաշտեցման մասին, որտեղից վերջերս նման ազդանշաններ են հնչում։
«Ազդանշանները լավ են և ողջունելի, բայց մենք պետք է նայենք գործին։ Հիշում ենք, որ Վրաստանի նախկին նախագահ Միխեիլ Սաակաշվիլին Հարավային Օսիայի խնդիրը ուժով լուծելու փորձից մի քանի ամիս առաջ խոսում էր հաշտեցման հնարավորության մասին։
«Վրացական երազանքը» բավականին երկար ժամանակ է՝ 2012 թվականից իշխանության ղեկին է, սակայն հարաբերությունները հիմնովին կարգավորելու իրական քայլեր չեն ձեռնարկվել։
Գոյություն ունի այսպես կոչված «Օկուպացված տարածքների» օրենք, որը լուրջ դժվարություններ է ստեղծում մեր երկրում օտարերկրյա ներդրումների, արտաքին տնտեսական հարաբերությունների և բնականոն բիզնես գործունեության համար։ Կարող ենք սկսել, օրինակ, այս օրենքը չեղյալ համարելուց։
Վրաստանը Ռուսաստանի դեմ պատժամիջոցներ չի կիրառել, նրանք խիստ են վերաբերվում դրան, սակայն նորագույն պատմությունը ցույց է տալիս, որ նրա ղեկավարությունն ունակ է բավականին դրամատիկ քաղաքական մանևրների։ Հիշեցնենք, որ նույնիսկ «Վրացական երազանքի» իշխանության օրոք Թբիլիսիի պաշտոնական կուրսը, որը դեռևս արձանագրված է Վրաստանի Սահմանադրության մեջ, դեպի եվրոպական և հյուսիսատլանտյան ինտեգրման կուրս է։
Մենք՝ մեր ժողովուրդը, Վրաստանն ու Աբխազիան հարյուրավոր տարիներ հարևաններ ենք, հավատացեք, գիտենք, թե ինչի մասին է խոսքը։ Սակայն մեր դիրքորոշումը հստակ է՝ մենք անկախ պետություն ենք։ Հաշտեցման և հարաբերությունների կարգավորմանն ուղղված ցանկացած քայլ պետք է սկսվի այս պարզ քայլից՝ պատմական և փաստացի իրականության ճանաչումից»,- ասել է այսպես կոչված Աբխազիայի ընդդիմության առաջնորդը։
Ադգուր Արձինբան եղել է օկուպացված Աբխազիայի նախկին դե ֆակտո փոխնախագահն ու էկոնոմիկայի նախարարը։ 2020 թվականին նա մասնակցել է նաև այսպես կոչված նախագահական ընտրություններին և եղել է Ասլան Բժանիայի գլխավոր մրցակիցը։ Հնարավոր է, որ Արձինբան մասնակցի, այսպես կոչված, արտահերթ նախագահական ընտրություններին, որոնք տեղի կունենան առաջիկա ամիսներին Բժանիայի հրաժարականի պատճառով։
