Ստացվում է, որ նրանք ծրագրել են Բիձինա Իվանիշվիլիի և «Երազանքի» մյուս առաջնորդների սպանությունը, պայթյուններ, ահաբեկչական գործողություններ և սրանով պետական հեղաշրջում, այլ շանս չունեն, ընտրություններում հաղթելու մասին խոսք լինել չի կարող»,- ասել է խորհրդարանական մեծամասնության առաջնորդ Մամուկա Մդինարաձեն, ով մեկնաբանել է Անվտանգության ծառայությունում ընթացող հետաքննության առնչությամբ ստեղծված վիճակը։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
Լրագրողների հետ զրույցում Մդինարաձեն նշել է, որ սա «կեղծ-ազատական ֆաշիզմի» շարունակությունն է։
«Սա հո պատահականությո՞ւն չէ։ Սա կեղծ լիբերալ ֆաշիզմի շարունակությունն է, որի շրջանակներում եղավ Թրամփի մահափորձը, Ֆիցոյի մահափորձը, ակնարկ Իրակլի Կոբախիձեի սպանությանը, հիմա պարզվում է, որ Բիձինա Իվանիշվիլիին և մեզ պայթեցնելու, ահաբեկչական գործողություններ ծրագրված էին մեր և մեր հարգարժան նախագահի դեմ։ Սա պատահականությո՞ւն է։ Արդյո՞ք սա ծիծաղելի հարց է, ինչպես փորձում են, օրինակ, այս թեման տեղափոխել սոցիալական ցանցեր։
Արդյո՞ք դա տեղի չի ունենում Գլոբալ պատերազմի կուսակցության կողմից, ինչ-որ ուժի, որի մասին դուք շարունակ շահարկում եք, իբր այն գոյություն չունի և պատահաբար համընկնում է իր հետ: Թրամփի մահափորձը, Ֆիցոյի մահափորձը, Օրբանի փրկվելը վթարից, Իրակլի Կոբախիձեին ինչ-որ բան մատնանշելը և այլն։ Այս ամենը պատահական եղե՞լ է 2-3 ամսում։ Դուք հավատում եք, որ դա պատահականություն է: Չեմ հավատում»,- ասել է Մդինարաձեն։
Լրագրողի հարցին, թե քննչական մարմինները պատրաստվու՞մ են հրապարակել ապացույցները, «Վրացական երազանքի» պատգամավորն ասել է․ «Ես երբեք չեմ կարողանա ձեզ պատասխանել, հատկապես գաղտնի գործերի մասին, թե ինչ ապացույցներ կան կամ չկան։ Միգուցե ես, որպես ենթադրյալ օբյեկտներից մեկը, ինչ-որ բան գիտեմ ու երբեք չեմ կարող այդ մասին խոսել, դա իմ իրավասությունը չէ։ Այստեղ Մամուկա Մդինարաձեն կարող է լինել ամենափոքր պաշտոնյան, ում հանդեպ ինչ-որ բան են ծրագրել։ Հատուկ շեշտը, ինչպես բոլորս գիտենք, եղել է Բիձինա Իվանիշվիլիի վրա»։
Պետական անվտանգության ծառայությունը վերջին օրերին հարցաքննության է կանչում Ուկրաինայում կռվող վրացիներին, ովքեր այս պահին գտնվում են Վրաստանում։ Աբխազիայի և 2008 թվականի Օգոստոսյան պատերազմների վետերան Գելա Կախաբրիշվիլին և նրա փաստաբան Միխեիլ Ռամիշվիլին այսօր Թբիլիսիի քաղաքային դատարանում դատավորի ներկայությամբ հարցաքննությունն ավարտելուց հետո հայտարարել են, որ ՊԱԾ-ի քննիչի հարցերը վերաբերել են Բիձինա Իվանիշվիլիի և «Վրացական երազանքի» պաշտոնյաների դեմ ահաբեկչության նախապատրաստմանը։
ՊԱԾ-ը հարցաքննել է նաև ուկրաինացի մարտիկներ Նադիմ Խմալաձեին և Լաշա Ճիղլաձեին, սակայն նրանք չեն ասել, որ տրված հարցերը վերաբերում են Իվանիշվիլիի դեմ ահաբեկչություն նախապատրաստելուն։
Պետական անվտանգության ծառայությունը ընթացող հետաքննության վերաբերյալ հայտարարություն չի արել։ Սակայն վերջերս իշխանամետ լրատվամիջոցները հայտնել են, որ քրեական գործը հարուցվել է 315-րդ և 18-323-րդ հոդվածներով, որոնք ենթադրում են դավադրության և ահաբեկչության նախապատրաստում՝ Վրաստանի սահմանադրական կառուցվածքը բռնի փոխելու նպատակով։ «Իմեդի» հեռուստաընկերությունը հաղորդում է, որ «ահաբեկչություն է նախապատրաստվում Բիձինա Իվանիշվիլիի և «Վրացական երազանքի» մյուս առաջնորդների դեմ։
![Վրաստանի լուրեր](/images/a2.png#joomlaImage://local-images/a2.png?width=80&height=80)