Դաղստանի մուֆթիությունը ժամանակավորապես արգելել է նիկաբը՝ մահմեդական կանանց գլխաշորը, որը ծածկում է ամբողջ դեմքը՝ բացառությամբ աչքերի, և որը սովորաբար կրում են երկար զգեստի հետ։ Մուֆթիության խոսքով՝ սահմանափակումը կշարունակվի «մինչ բացահայտված սպառնալիքները չվերացվեն և աստվածաբանական նոր եզրակացություն չստանան»։
Լրահոս
Ընթերցողի ընտրանի
- 1 Ռուսաստանից ավելացած ներմուծումն ու թափված կարտոֆիլի բլրակները Ջավախքում
- 2 Հուլիսից ուսուցիչների աշխատավարձը կբարձրանա
- 3 Վրաց ժողովուրդը պայքարում է եվրոպական ապագայի համար, նա չպետք է պատժվի. Զուրաբիշվիլի
- 4 Գազային զենք ձեռք բերելու համար անհրաժեշտ կլինի ՆԳ նախարարության համաձայնությունը
- 5 ԱՄՆ-ը վիզային պատժամիջոցներ է սահմանել «Երազանքի» անդամների, պատգամավորների և ոստիկանների նկատմամբ
- 6 Մոսկվան արձագանքել է Վրաստանի հետ դիվանագիտական հարաբերությունների վերականգնման հարցին
Այս որոշման հիմքում ընկած է Ազգային քաղաքականության և կրոնի հարցերի նախարարության բողոքը, որում, ինչպես նշում է մուֆթիությունը, խոսվում է Դաղստանի բնակչության անվտանգությանը սպառնացող առկա սպառնալիքների մասին։
Արգելքի հայտարարումից առաջ հաղորդվում էր, որ Գերագույն դատարանի ֆեթվաների (կրոնական որոշումների) բաժինը բավարար ապացույցներ չի գտել նիկաբի ամբողջական արգելքը հաստատելու համար, սակայն թույլ է տվել տեղական արգելքներ սահմանել «արտաքին գործոնների» պատճառով։
BBC-ի ռուսական ծառայության փոխանցմամբ՝ Ռուսաստանում այս թեմայով քննարկումն ակտիվացել է Դաղստանում տեղի ունեցած ահաբեկչությունից հետո։ Հունիսի 23-ին մի քանի զինված անձինք հարձակվել են Մախաչկալայի և Դերբենտի եկեղեցիների և սինագոգների վրա։ Ահաբեկչության հետևանքով զոհվել է 22 մարդ, որոնցից 17-ը՝ իրավապահ մարմինների աշխատակիցներ։ Telegram-ի անանուն ալիքներով տեղեկություն է տարածվել, թե սպանված ահաբեկիչներից մեկն իր հետ նիկաբ է ունեցել և պատրաստել է այն կրել՝ հարձակումից հետո փախչելիս։
Նիկաբ կրելու դեմ է դուրս եկել նաև Դաղստանի ղեկավարը։ Սերգեյ Մելիքովի խոսքով՝ այդ հագուստները վտանգավոր են, քանի որ տղամարդիկ կարող են թաքնվել դրանց հետևում, իսկ կանայք՝ կրել արգելված իրեր։
ՌԴ Քննչական կոմիտեի ղեկավար Ալեքսանդր Բաստրիկինը կողմ է նիկաբ կրելու արգելքին։ «Ես համաձայն եմ ձեզ հետ, մենք պետք է անհապաղ արգելենք այս ամենը», - ասել է Բաստրիկինը Սանկտ Պետերբուրգում իրավաբանական ֆորումի խոսնակին, նախապես ասելով, որ Կենտրոնական Ասիայի որոշ երկրներ արգելել են նիկաբը, ուստի միգրանտները տեղափոխվում են Ռուսաստան և այն կրում այնտեղ: Բացի այդ, Ալեքսանդր Բաստրիկինն ասել է, որ Դաղստանում հարձակումներն իրականացրել են «իսլամիստները, ահաբեկիչները»։
«Նրանց հաջողվել է նույնիսկ իսլամական տեռորի դրոշը մտցնել մեր տարածք։ Ուստի Պետդուման պետք է անհապաղ արձագանքի այս իրադարձությանը»,- ասել է Բաստրիկինը։ Չեչնիայի ղեկավար Ռամզան Կադիրովը նրան արձագանքել է և հորդորել «չափազանց զգույշ» լինել «իսլամիստ» և «ահաբեկիչ» իմաստները հավասարեցնելու հարցում։ Ըստ Կադիրովի, «մահմեդականները ահաբեկչական գործողություններ չեն կատարել և չեն կատարում»։
Նիկաբ կրելը օրենքով արգելված է ավելի քան մեկ տասնյակ երկրներում, այդ թվում՝ Ֆրանսիայում, Բելգիայում և Դանիայում:
