Գորիի շրջանային դատարանը 1000 լարիի չափով գրավ է կիրառել քաղաքացիական ակտիվիստ և գործարար Իոսեբ Բաբաևի նկատմամբ, ում դատախազությունը մեղադրում է ապօրինի կերպով ինքնաձիգ հրազեն գնելու, պահելու և կրելու մեջ։ Այսպիսով, դատավոր Գոգա Կուպրեիշվիլին միայն մասամբ է բավարարել մեղադրող կողմի միջնորդությունը՝ 10 հազար լարի գրավ կիրառելու վերաբերյալ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Գործի դատախազ Միխեիլ Բերիաշվիլին միջնորդությունը հիմնավորել է մեղադրյալի թաքնվածությամբ և նոր հանցագործություն կատարելու վտանգով, ինչի հետ Իոսեբ Բաբաևն ու նրա փաստաբանները համաձայն չեն։ Նրանք կարծում են, որ դատարանն ընդհանրապես չպետք է խափանման միջոց կիրառեր։
«Գործում առկա «ապացույցները» չեն համապատասխանում անգամ հիմնավոր կասկածի չափանիշին։ Դատարանի այսօրվա որոշումը մասամբ ակնարկեց այս մասին և ակնարկեց այն մասին, որ այս գործով արդարացման դատավճիռ է լինելու»,- ասել է մեղադրյալի փաստաբաններից Կախա Կալմախելիձեն։
«Ինձ ձերբակալեցին, ատրճանակ դրեցին, դաժան ծեծի ենթարկեցին ու երկրից չհեռանալու դեպքում ինձ վրա 1000 լարի գրավ դրեցին։ Սա աբսուրդ է։ Այդուհանդերձ, շնորհակալ եմ դատավորին, քանի որ սրանից ավելի վատ արդյունք էի սպասում։ Ես կշարունակեմ պայքարել և ապացուցել իմ ճշմարտությունը»,- ասել է Բաբաևը դատավարությունից հետո։
Իոսեբ Բաբաևը, ով Գորիի «Ռեստո բար»-ի սեփականատերն է և ակտիվորեն ներգրավված է եղել ռուսական օրենքի դեմ ակցիաներին, ձերբակալվել է մեկ ամիս առաջ՝ հունիսի 4-ին, Քրեական օրենսգրքի 236-րդ հոդվածի հիման վրա, որը վերաբերում է ապօրինի զենք-զինամթերք գնելուն, պահելուն և կրելուն։ Դատախազությունն այլևս չէր կարող նրան մեղադրանք առաջադրել, քանի որ երկու օր ազատազրկումից հետո Գորիի շրջանային դատարանի դատավոր Լևան Դարբաիձեն անօրինական է համարել ոստիկանության կատարած բոլոր քննչական գործողությունները և անթույլատրելի ապացույց համարել իբր Բաբաևի մեքենայից հանված զենքը։ Բաբաևը լքել է ժամանակավոր մեկուսարանը հունիսի 6-ին։
Դատախազությունը բողոքարկել է Գորիի շրջանային դատարանի որոշումը և պահանջել այն ամբողջությամբ վերացնել։ Հունիսի 14-ին Վերաքննիչ դատարանի դատավոր Դավիթ Ախալբեդաշվիլին մասամբ փոխել է դատավոր Լևան Դարբաիձեի որոշումը՝ նա օրինական է համարել մեքենայի խուզարկությունը։ Ըստ այդմ՝ թույլատրելի ապացույց է ճանաչվել ավտոմատ հրազենը, որը, ըստ ոստիկանության, հանվել է Իոսեբ Բաբաևի մեքենայից։ Վերաքննիչ դատարանն անօրինական է համարել նաև Բաբաևի անձնական խուզարկությունն ու ատրճանակը հանելը։
Հուլիսի 3-ին Շիդա Քարթլիի ոստիկանության բաժանմունքում Իոսեբ Բաբաևին մեղադրանք է առաջադրվել Քրեական օրենսգրքի 236-րդ հոդվածի 3-րդ և 4-րդ մասերով, որը վերաբերում է ապօրինի զենք-զինամթերք ձեռք բերելուն, պահելուն ու կրելուն։ Եթե նրան մեղավոր ճանաչեն, նրան սպառնում է 3-ից 7 տարվա ազատազրկում։
