Վրաստանի դատախազությունը մեկ անձի մեղադրանք է առաջադրել ուսուցիչ Լադո Աբխազավայի և նրա որդու նկատմամբ ֆիզիկական բռնություն գործադրելու համար։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Քննությամբ պարզվել է, որ 2024 թվականի մայիսի 5-ին Լանչխութի քաղաքում Կ.Փ.-ն՝ գտնվելով ալկոհոլի ազդեցության տակ, ֆիզիկական բռնության է ենթարկել հարևանությամբ բնակվող երկու անձի, մասնավորապես՝ ապտակել է երկուսի դեմքին»,- հայտնել են դատախազությունից։
Կ.Փ.-ին մեղադրանք է առաջադրվել քրեական օրենսգրքի 126-րդ հոդվածի «Գ» ենթակետի առաջին մասով, որը վերաբերում է երկու անձի նկատմամբ կատարված բռնությանը և նախատեսում է մինչև երկու տարի ազատազրկում։
Դատախազությունից հայտնում են, որ խափանման միջոց կիրառելու վերաբերյալ օրենքով սահմանված ժամկետում կդիմեն դատարան։ Հայտնի չէ, թե արդյոք մեղադրող կողմը հարձակվողի համար ազատազրկման ժամկետներ կպահանջի։
Ուսուցչի ազգային մրցանակի դափնեկիր Լադո Աբխազավան պատմել է, որ իր վրա փայտերով հարձակվել են երկու մարդ։ Նա և իր 20-ամյա որդին ենթարկվել են բանավոր և ֆիզիկական բռնությունների։ Ուսուցչի խոսքով՝ պատճառն այն էր, որ ինքը մասնակցում է ռուսական օրենքի դեմ հանրահավաքներին և իր կարծիքը բացահայտ արտահայտում է սոցիալական ցանցերում։
Շուրջ 600 ուսուցիչներ իրենց համերաշխությունն են հայտնել Լադո Աբխազավային։ Նրանք կոչ են արել իրավապահ մարմիններին ժամանակին և արդյունավետ կերպով հետաքննել բռնության փաստը։
