Վրաստանի խորհրդարանի նախագահ Շալվա Պապուաշվիլիի խոսքով՝ Դանիայի դեսպանն այնքան կոմպետենտ չի եղել, որ իր կարծիքն այնպես ձևակերպի, որ դա տարբեր մեկնաբանությունների առիթ չդառնա։ Պապուաշվիլին Դանիայի դեսպան Աննե Թոֆթ Սորենսենին մեղադրել է ապատեղեկատվություն տարածելու մեջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Եվրամիության վերջին առաջարկությունների հիման վրա ապատեղեկատվության դեմ պայքարը կարևոր խնդիր է։ Իհարկե, կարևոր է արձագանքել ցանկացած ապատեղեկատվության։ Երեկ մենք ականատես եղանք Դանիայի դեսպանության հայտարարությանը, որը կարծես թե ողջ կատարվածը բարդում է դեսպանի ոչ կոմպետենտության վրա, որ նա չի կարողացել հասկանալի ձևակերպել իր կարծիքը։
Ցավալի է, որ դիվանագետների ոչ կոմպետենտությունը, ի վերջո, հանգեցնում է վրաց հասարակության աչքում ներկայացված երկրի իմիջի վնասմանը։ Ինչ վերաբերում է դեսպանի ոչ կոմպետենտության վերաբերյալ իմ հայտարարությանը, ապա հուսով եմ, որ Դանիայի դեսպանությունը կհասկանա իմ հայտարարությունը համապատասխան համատեքստում։
Երբ հայտարարությունն այն է, որ տեղի է ունեցել ենթատեքստի թյուրիմացություն, հետևաբար, երևում է, որ դեսպանն այնքան կոմպետենտ չի եղել, որ իր կարծիքն այնպես ձևակերպի, որ այն տարբեր կերպ չմեկնաբանվի»,- այսպես է խորհրդարանի նախագահը պատասխանել Դանիայի դեսպանի՝ մամուլում հրապարակած հոդվածին, որտեղ Բիձինա Իվանիշվիլին նշվում է որպես 90-ականներին Ռուսաստանում հարստացած օլիգարխ։
Իվանիշվիլիից բացի, դեսպանը խոսում է նաև այսպես կոչված «Օտարերկրյա գործակալների մասին» ռուսական օրենքի մասին, որն առաջին ընթերցմամբ ընդունվեց «Երազանքի» կողմից՝ չնայած մարդկանց բողոքին և միայն բազմահազարանոց բողոքի ցույցերից, խաղաղ ցուցարարների դաժան ճնշելուց և միջազգային աննախադեպ արձագանքից հետո ետ կանչվեց։ Աննե Թոֆթ Սորենսենը գրում է նաև ուղիղ չվերթների վերականգնման և Ռուսաստանի հետ առևտրի ավելացման մասին։
Այս կարծիքի պատճառով դանիացի դիվանագետը բացատրության համար կանչվել է Վրաստանի արտաքին գործերի նախարարություն։ Ըստ նախարարության՝ հոդվածը «պարունակում է էական փաստական անճշտություններ և ոչ օբյեկտիվ գնահատականներ, որոնք չեն նպաստում երկրի նկատմամբ միջազգային հանրության, այդ թվում՝ դանիացի ընթերցողների դրական վերաբերմունքի ձևավորմանը»։
Միաժամանակ, վրացական կողմը հանդիպմանն ընդգծել է, որ «հրապարակումն օգտագործվել է որոշակի ուժերի կողմից քաղաքական մեկնաբանությունների համար, ինչը խոչընդոտում է երկրի համար Եվրամիության կողմից սահմանված հիմնական խնդրի՝ ապաբևեռացման արդյունավետ իրականացմանը»։
Դեսպանի հոդվածի վերաբերյալ հայտարարություն է տարածել նաև Դանիայի դեսպանությունը։ Ինչպես պարզաբանել են այնտեղից՝ հոդվածից վերցված հատվածն առանց ենթատեքստի օգտագործվում է վրացական բանավեճերում, իրենք ցանկություն չունեն դրան նպաստելու և ձեռնպահ են մնում լրացուցիչ մեկնաբանություններից։ Դեսպանատան տվյալներով՝ հոդվածը գրվել է դանիական թերթի համար՝ Վրաստանին ԵՄ թեկնածուի կարգավիճակ տրամադրելու պատմական որոշումից հետո։
